Popular Bible Verses from Roma 10

Share

Vu dansa baci sakaɗi, “Yesu ɗa Vuzagbayin,” ɗa baci kpamu vu ushuki a̱ ka̱ɗu ka̱ nu a na Ka̱shile ka̱ ɗengusa̱i Yesu a̱ ubuta̱ wu ukpa̱, Ka̱shile ki ta̱ a kisa wu.

Vuza na baci wu ushuki n ka̱ɗu ka̱ ni, ka̱ta̱ adama a nannai ta na Ka̱shile ko bonoko yi vuza vu usuɓi. Vu dana ta̱ kpamu sakaɗi a na vi nekei ka̱ɗu, ka̱ta̱ adama a nannai vi ciya̱ ta na wishi.

Vuza yoku u dana le baci ukuna u Kirisiti Kishi, uma kpamu a tsu pana ta̱ Arabali a Singai a, ka̱ta̱ e yeve a̱ ushuku a ɗa.

Uteku u na Ka̱shile ka danai a Katagarda ka Ciɗa, “Amma vuza na de dem wu ushuki n a̱yi wi a kuyaꞋan wono ba.” Na va wi ta̱ a kadanshi ka yaba dem, adama a na vuza wi lo kau ba, a̱ ka̱tsuma̱ ka Ayahuda n Aza̱ka̱yimbi. Ka̱shile kaꞋa Vuzavaguɗu vi te ɗa wi a kulyaꞋa tsugono ra̱ka̱. U ci neke ta̱ kpamu uma mayin ra̱ka̱ o folono baci wa̱ ni. Tsu na Katagarda ka Ciɗa ka danai, “Vuza na baci dem u ɗekei kula ku Vuzagbayin, Vuzavaguɗu wi ta̱ a kisa yi.”

Nini ɗai kpamu aza o yoku a kubana a dana le?, sai Vuzagbayin u suku le. Katagarda ka Ciɗa ka danai, “Ili i ma̱za̱nga̱ i ɗa n a̱bunda̱i adama a na uma a na a̱ tsu tuka̱ n Arabali a Singai i lo a̱ kuta̱wa̱.”

Nini ɗai uma e kuneke a̱ɗu n Vuzagbayin ka̱ta̱ o folono yi wi isa le, ka̱ta̱ baci a saꞋwa kupana ukuna u ni ba? Nini ɗai kpamu a kupana?, sai vuza yoku u dana le.

Kirisiti Kishi u zuwa ta̱ Wila̱ wa wo okpo babu utsura. Ka̱shile ko tsu bonoko ta̱ aza a na e nekei ka̱ɗu n a̱yi o okpo aza a̱ usuɓi.