Popular Bible Verses from Roma 11

Share

Ka̱shile ka yaꞋan ta̱ ɗe ili dem. A̱yi ɗa u tsu zuwa ili ra̱ka̱ i lyaꞋa kelime. Ili ra̱ka̱ yi ta̱ o kokpo adama a na i neke yi tsugbayin. Mayun ɗa ci cikpa Ka̱shile ko wanai! Ta nannai.

Yayi u kufuɗa kugisanku uciyi, n ugboji, n kuyeve ku na Ka̱shile ki n ku ɗa? Yayi u kufuɗa kuyeve kusheshe ku ni? Yayi u kufuɗa wa dansa sakaɗi ili i na u ci yaꞋan ra̱ka̱?

Uteku u na Katagarda ka Ciɗa ka danai, “Yayi u yevei ka̱ɗu ka Vuzavaguɗu? Yayi u kufuɗa wa yaꞋanka yi odoki?”

Ta ki nannai gogo na. Uma ukeci a ɗa i lo a na Ka̱shile ka zagbai adama a kasingai ka̱ ni. U zagba le baci kpamu, adama a kasingai ka̱ ni kaꞋa, amma adama a ili i na a yaꞋin ba. O okpo baci uma a̱ Ka̱shile adama a ili i na a yaꞋin, kuneꞋe ku kasingai† ku Ka̱shile ki a kuyaꞋan kuneꞋe ku mayun ba.

Wi ta̱ adanshi a gbatya ta̱ acaka o yoku a maɗanga ma zaitun.† A̱ɗa̱ Aza̱ka̱yimbi yi ta̱ tsa acaka a maɗanga ma zaitun ma na mo gbonguroi a kakamba ma na a gbaɓanki m maɗanga ma iyain ma. Gogo na yi isa ta̱ ili i singai ya Ayahuda uteku u na kacaka ka savu ko tsu soꞋo mini ma̱ ni a̱ ubuta̱ u maɗanga. Adama a nannai ka̱ta̱ i goyo acaka a na a gbatyai va ba. Ciɓai, a̱ɗa̱ ɗa yi a̱ kuɓa̱nka̱ aralu a maɗanga a ba. Aralu a̱ ni a ɗa i a̱ kuɓa̱nka̱ ɗa̱.