Popular Bible Verses from 2 Biturusu 3

Share

Uma o yoku i ta̱ e kusheshe Vuzagbayin wi ta̱ a kushamgba ali ayin ka̱u sapu u shatangu uzuwakpani u ni, amma Vuzagbayin u kushamgba ka̱u uteku u na uma a nan lo a zuwai ba. U reme ta̱ ka̱ɗu n a̱ɗa̱. U ciga ko vuza te u kuwa̱ ba, amma u laꞋa ta̱ n kuciga yaba dem u shika̱ unushi† u ni.

Uma a ucigi a̱ va̱, ka̱ta̱ i cinukpa ba, a na Vuzavaguɗu wi e kene kanna ke te derere n a̱ya̱ ka̱kpa̱n ke te (1,000), wi ta̱ kpamu e kene a̱ya̱ ka̱kpa̱n ke te derere n kanna ke te.

I lyaꞋa kelime n kudoku kasingai n kuyeve ku Vuzagbayin Yesu Kirisiti Kishi. Tsugbayin n tsugono ci ni tsu ɗa, gogo na n ayin tutu. Ta nannai.

Kanna ka Vuzagbayin ki ta̱ a kuyawa babu uzuki, uteku u na koboki ka ci yawa. Gaɗi wi ta̱ o kukotso n kacaꞋa ku utsura, ka̱ta̱ akina a̱ la̱nga̱sa̱ ili dem. Wi ta̱ o kuyotsongu e keteshe uteku u na aduniyan i, n ili i na yi punu dem.

Adama a na ili dem yi a̱ kuna̱mgba̱, icuꞋu i uma ye ne i ɗa̱i i gaꞋin yo okpo? Adama a nannai yaꞋankai Ka̱shile tsugbashi a̱ ubuta̱ wu uye u na yi o kuyongo. Zuwai a̱shi a̱ ɗa̱ a kanna ka nan lo ka̱ta̱ i ɓa̱nka̱ kaꞋa adama a na ka̱ ta̱wa̱ babu megeshe. A ayin a nan lo i ta̱ a̱ kula̱nga̱sa̱ gaɗi n akina, ka̱ta̱ ili dem i derekpe punu a̱ ubuta̱ wu usuɗukpi.