Popular Bible Verses from 1 Yahaya 1

Share

Amma ci shika̱ baci unushi u tsu, wi ta̱ a kucinukpaka tsu u ɗa, adama a na Ka̱shile ki ta̱ a kuyaꞋan ili i na u danai u kuyaꞋan, ɗa wi kpamu a kuyaꞋan ili i na yi derere. A̱yi wi ta̱ a̱ kuza̱Ꞌa̱ unushi u na ci yaꞋin ra̱ka̱.

Amma ci baci o kuyongo n kutashi, uteku u na Ka̱shile ki o kuyongo n kutashi, ci ta̱ o kuyongo n wuma a̱ ka̱tsuma̱ ka̱ tsu. Mpasa m Maku ma̱ ni Yesu mi ta̱ a̱ kuza̱Ꞌa̱ unushi u tsu ra̱ka̱.

Tsu dana baci ci n unushi ba, ci ta̱ a̱ kuya̱nsa̱ ka̱ci ka̱ tsu, ci iwan ta̱ kpamu ili i mayun.

Na ɗa akaka a na tsu panai a̱ ubuta̱ u Kishi ɗa tsu salakai ɗa̱ gogo na: Ka̱shile kutashi ku ɗa, a̱yi ta na wi n ka̱yimbi ba, ko kenu. Tsu dana baci ci ta̱ o kuyongo n wuma u te n Ka̱shile, amma ɗa ci lyaꞋi kelime n kuyongo a̱ ka̱yimbi, a̱tsu aza a aꞋuwa a ɗa, ci kpamu o kutono ili i mayun ba.

Tsu dana baci ci ta̱ babu unushi, ci ta̱ o kubonoko Ka̱shile vuza va aꞋuwa, ɗa kpamu ci o kuyotsongu a na akaka a̱ ni i babu ubuta̱ punu a̱ a̱ɗu a̱ tsu.