Popular Bible Verses from 2 Korintiya 5

Share

Vuza na baci u ɓolongi ka̱ci ka̱ ni n Kirisiti Kishi, Ka̱shile ko bonoko yi ta̱ vuma vu savu. Ili i kuku i ni i kotso ta̱ ɗa i lazai. Ka̱shile ko bonoko ta̱ ili ra̱ka̱ i bonoi usavu.

Kishi u saꞋwa kuyaꞋan unushi ba! Amma Ka̱shile ko bonokoi ni vuza vu unushi, adama a na Kirisiti Kishi u zuwai tso okpoi aza a̱ usuɓi u Ka̱shile.

Wi ta̱ nannai adama a na ci ta̱ o kutono ili i na ci nekei a̱ɗu, amma ci o kutono ili i na ci e kene ba.

Ka̱shile kaꞋa ka yaꞋin ili i nam pa ra̱ka̱. U tuka̱i tsu ɗevu n a̱yi adama a ili i na Kirisiti Kishi u yaꞋin. U nekei tsu ulinga u kutuka̱ n uma ɗevu n a̱yi feu. Akaka a̱ tsu a ɗaɗa Ka̱shile ko yongo ta̱ a̱ kutuka̱ n uma ra̱ka̱ ɗevu n ka̱ci ka̱ ni a̱ ubuta̱ u Kirisiti Kishi. Ka̱shile ka ci ciɓasa n unushi u le ba. Ɗa u nekei tsu akaka a nam pa a̱ ma̱ta̱na̱.

Ka̱shile ka̱ suki tsu tso okpo anan taji vu kusala ukuna u Kirisiti Kishi, wi ta̱ kpamu o kufolono ɗa̱ i pana akaka a̱ tsu. Ci yaꞋan ta̱ kadanshi adama a̱ Kishi, tsu folono ɗa̱ ta̱ i ka̱sa̱kpa̱ Ka̱shile ka̱ tuka̱ ɗa̱ ɗevu n a̱yi.

U kuwa̱ ta̱ u ciya̱ wi isa yaba dem, adama a aza a na a̱ ciya̱i wuma u savu adama a̱ ni o doku o yongo tsu na a̱ kuɓa̱nka̱ ka̱ci ke le koci ba. Amma a kucikpa, o yongo tsu na Kirisiti Kishi u kupana uyoꞋo, vuza na u kuwa̱i ɗa u ɗenga̱i n wuma adama a na wi isa le. Tsu ka̱sa̱kpa̱ ta̱ kuyaꞋanka uma afada tsu na aduniyan a ci yaꞋan. Ci ishi ta̱ ci sheshe ukuna u Kirisiti Kishi tsu na uma a aduniyan e ci sheshe, amma gogo na tsu doku ci yaꞋan nannai ba.

Ili i na baci ci yaꞋin dem, ci yaꞋan ta̱ i ɗa adama a na ucigi u Kirisiti Kishi u ɗa wi o kutono n a̱tsu. Ci neke ta̱ kpamu a̱ɗu a na vuma vi te Kirisiti Kishi u kuwa̱i adama a yaba dem, adama a nannai, tsu ushuku ta̱ a na a̱tsu tsu kuwa̱i ra̱ka̱.