Popular Bible Verses from 2 Korintiya 4

Share

Tsu zuwa a̱shi a̱ tsu a̱ ubuta̱ wi ili i na ce enei ba, amma a̱ ubuta̱ wi ili i na tsu kpa̱ɗa̱i kene. Ili i na ci e kene ye kugeshe ba, amma i na ci a̱ kukpa̱ɗa̱ kene yi o kukotso ba.

I ɗaɗa i zuwai ɗa tsu kpa̱ɗa̱i kuka̱sa̱kpa̱. Ko a na ikyamba i tsu yi a̱ kukuwa̱, ayinviki a̱ tsu i ta̱ a̱ kuciya̱ utsura u savu kanna dem. Atakaci a na ci n a ɗa gogo na i gbayin ba, i kpamu e kugeshe ba. Amma i ta̱ a̱ kuɓa̱nka̱ tsu, adama a na ci ciya̱ tsugbayin tsu na tsu laꞋi atakaci a̱ tsu ka̱u, tsugbayin tsu nan lo ta na tso kukotso ba.

A zuwai tsu a̱ ka̱tsuma̱ ka atakaci ka̱u, amma a minjarangu tsu ba. Ko an ci yevei ili i na tsa kuyaꞋan ba, tsu ka̱sa̱kpa̱ ba. E nekei tsu atakaci, amma Ka̱shile ka̱ ka̱sa̱kpa̱ tsu ba. Ayin o yoku a ɓasangu tsu ta̱ a iɗika, amma a una tsu ba.

Ci ta̱ n uciyi u nam pa a̱ ubuta̱ u Ka̱shile, amma a̱tsu na ci a̱ kuɓa̱na̱ uciyi wa ci ta̱ an mgbodo n na a maꞋi n ciꞋin. Na va u yotsongu ta̱ a na utsura u gbayin wa ta wi u Ka̱shile, a̱tsu ɗa ba.

Vuza vu gbani-gbani wi ta̱ lo, vuza na wi a kulyaꞋa tsugono tsa aduniyan a nam pa. MalyaꞋi maꞋa. Ɗa u palai a̱ɗu a aza o yoku ɗa okpoi a̱yimba̱. Uma a nam pa a̱ kpa̱ɗa̱i kuneke a̱ɗu, adama a nannai e kene tsugbayin tsu kutashi ka Arabali a Singai ku na ki a kakana le ba. A kufuɗa e yeve akaka a na tsu danai le a ukuna u tsugbayin tsu Kirisiti Kishi ba, vuza na u yotsoi Ka̱shile derere.

Ka̱shile kaꞋa ka danai, “Ka̱sa̱kpa̱ kutashi kakana a̱ ka̱yimbi!” U yotsongu tsu ta̱ ɗe a na kutashi ku nam pa ka ku ɗaɗa wakani punu a̱ a̱ɗu a̱ tsu adama a na ci yeve tsugbayin tsu Ka̱shile tsu na a̱shi e Yesu Kishi o ci yotsongu.