Popular Bible Verses from 1 Yahaya 5

Share

Ci ta̱ a kufuɗa kuta̱wa̱ u Ka̱shile babu wovon, adama a na ci yeve ta̱ feu wi ta̱ a kupanaka tsu, tsu folono baci Ka̱shile ili dem i na yi derere n ili i na u cigai.

U tsu panaka tsu ta̱ ayin a na baci dem tsu folonoi ni. Adama a na ci yeve ta̱ na va mayun ɗa, ci yeve ta̱ feu a na u tsu neke tsu ili i na tsu folonoi ni.

Ci yotsongu ta̱ ucigi u tsu u Ka̱shile, tsu tono baci wila̱ u ni, u ɗa ta na wi n atakaci o kutono ba. Maku ma̱ Ka̱shile dem ma lyaꞋa ta̱ utsura wa aduniyan, uneki u ka̱ɗu u tsu kpamu u ɗaɗa u nekei tsu ulyaꞋi wu utsura u nam pa.

Vuza na baci dem wi m Maku ma wi ta̱ n wuma u nam pa; vuza na baci dem wi m Maku ma̱ Ka̱shile ba, wi n wuma ba.

N ɗanaka ɗa̱ ta̱ ili i nam pa, a̱ɗa̱ vu na yu ushuki m Maku ma̱ Ka̱shile, i ciya̱ i yeve yi ta̱ n wuma u babu uteku.

Ci yeve ta̱ a na aza a na i muku n Ka̱shile a ci lyaꞋa kelime n kuyaꞋan unushi ba. Maku ma̱ Ka̱shile ma̱ tsu la̱na̱ le ta̱, vuza vu gbani-gbani kpamu u kusaꞋwa le ba.