Popular Bible Verses from 1 Yahaya 4

Share

Wovon wi punu a̱ ubuta̱ wu ucigi ba; ucigi u mayun u tsu loko ta̱ wovon ra̱ka̱. Vuma wi baci n wovon, wi ta̱ e kusheshe adanshi a takacika yi ta̱ ɗe. Vuma u pana baci wovon, ucigi u Ka̱shile u shana mayin a̱ ka̱ɗu ka̱ ni ba.

Muku n va̱, a̱ɗa̱ aza a̱ Ka̱shile a ɗa, i lyaꞋa ta̱ kpamu irala i nam pa ya. Ayinviki a̱ Ka̱shile i ta̱ wa̱ ɗa̱, a laꞋa ta̱ ta na vuza na wi a aduniyan n utsura.

Ci ta̱ a kuyaꞋan ucigi adama a na Ka̱shile ka̱ gita̱ ta̱ kuciga tsu a cau.

A̱ja̱Ꞌa̱ a̱ va̱, yaꞋan ci ciganai, adama a na ucigi wu uta̱ ta̱ a̱ Ka̱shile. Vuza na baci dem wi n ucigi maku ma̱ Ka̱shile maꞋa, u yeve ta̱ kpamu Ka̱shile.

Vuza na baci wi n ucigi ba u yeve Ka̱shile ba, adama a na Ka̱shile ucigi u ɗa.

Na va ɗaɗa ucigi u mayun. A̱tsu ɗa ci cigai Ka̱shile ba, amma a̱yi ɗa u cigai tsu ɗa u suki Maku ma̱ ni mo okpo alyuka a na a takpai unushi u tsu.

A̱ja̱Ꞌa̱ a̱ va̱, uteku u na Ka̱shile ka cigai tsu nannai, a̱tsu feu ci ciganai.

Ka̱shile ko yotsongu ta̱ ucigi u ni wa̱ tsu ana u suki Maku ma̱ ni me te a aduniyan u neke tsu wuma.

Uma a dana baci, “N ciga ta̱ Ka̱shile,” amma ɗa a iwain aza e le, ele aza a aꞋuwa a ɗa. Aza a na baci a cigai aza e le ba, aza a na e enei, a kuciga Ka̱shile ba, vuza na a saꞋwai kene ba.

Vuza na baci u dansai e keteshe a na Yesu Maku ma̱ Ka̱shile maꞋa, wi ta̱ o kuyongo n Ka̱shile, Ka̱shile kpamu wi ta̱ o kuyongo n a̱yi.

Ka̱shile ke neke tsu ta̱ wila̱ u nam pa: aza a na a cigai Ka̱shile mayun ɗa a ciga feu aza o yoku.

A̱ja̱Ꞌa̱ a̱ va̱ a na n cigai, ka̱ta̱ yu ushuku n yaba dem vu na u danai wi ta̱ n Ayinviki a̱ Ka̱shile ba. Kondoi le ra̱ka̱ i ciya̱ i yeve ko mayun ɗa a̱ uta̱i u Ka̱shile. Eneki a aꞋuwa n a̱bunda̱i a̱ uta̱ ta̱ ɗe a̱ kuka̱ra̱Ꞌa̱ a aduniyan. Na va ɗaɗa tsu na ve kuyeve Ayinviki a̱ Ka̱shile: vuza na dem u danai Yesu Kirisiti Kishi u ta̱wa̱ ta̱ a aduniyan tsu vuma, a̱yi vuza vu Ka̱shile ɗa.

Amma vuza na dem u nanai ili i nam pa adama e Yesu, wi n Ayinviki a̱ Ka̱shile ba. Ayinviki a na vuza nan lo wi n a ɗa a̱ uta̱ ta̱ a̱ ubuta̱ u vurala vu Kishi. I yeve ta̱ ɗe a na vurala vu nam pa vi a̱ kuta̱wa̱ a aduniyan, gogo na ta na u yawa ta̱ ɗe.