Popular Bible Verses from 1 Yahaya 2

Share

Ka̱ta̱ i ciga aduniyan ko ili i na yi a aduniyan ba. I ciga baci aduniyan, ucigi u Dada wi punu wa̱ ɗa̱ ba. Na va ɗaɗa uye wa aduniyan: ucigi u kupana uyoꞋo wu unushi u ka̱ci ka̱ tsu, n a̱shawuya, n kuyaꞋan n ka̱ a̱ra̱ɗi n ili i na ci n i ɗa. Ko ili i te i nam pa yu uta̱ u Dada ba, amma i ɗa ra̱ka̱ yu uta̱ ta̱ a aduniyan.

Aduniyan n i na yi punu ra̱ka̱ i na uma a cikalai, yi ta̱ a kulaza, amma vuza na baci u yaꞋin ili i na Ka̱shile ki a kuciga, wi ta̱ o kuyongo ko wanai.

Tsu dana baci a̱tsu uma a̱ ni a ɗa ci, u yotso ta̱ ci yongo uteku u na Yesu u yongoi.

Muku mu ucigi n va̱, mi ta̱ a kuɗana ili i nam pa adama a na i yaꞋan unushi ba. Amma ali i yaꞋan baci unushi, Yesu Kishi vuza na wi ciɗa, wi ta̱ ta na o kufolono Dada adama a̱ tsu.

Vuza na baci dem u danai, “N yeve ta̱ Ka̱shile,” amma u tono ili i na Ka̱shile ka danai ba, vuma vu nan lo vuza va aꞋuwa ɗa, ili i mayun kpamu yi punu wa̱ ni ba.

Ci ta̱ e kuyeve a na ci yevei Ka̱shile mayun tsu tono baci ili i na u danai ci yaꞋan.

Vuza na baci dem u danai, “Mpa mi ta̱ o kuyongo a kutashi,” amma ɗa u iwain vuza a̱ ni, vuma vu nan lo u buwa ta̱ biꞋi o kuyongo a̱ ka̱yimbi.

Yayi vuza va aꞋuwa? Vuza na dem u nanai a na Yesu Kirisiti Kishi kaꞋa, vuza va aꞋuwa ɗa wi. Vuza na dem u danai nannai vurala vu Kishi ɗa, u iwan ta̱ kpamu Dada m Maku ma.

Vuza na baci dem u iwain Maku ma, vuma vu nan lo u iwan ta̱ feu Dada. Amma tsu dana baci cu ushuku ta̱ m Maku ma, ci ta̱ n Dada va feu.