Popular Bible Verses from ပျႃႇတိၵ်ႈ 6

Share

ၵမ်း​ၼၼ်ႉ၊ၵဝ်​တူၺ်း​လႄႈ​ႁၼ်​မႃႉ​သဝ်ႈ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ​မီး​ၸိုဝ်ႈ​ဢၼ်​ႁွင်ႉ​ႁဵၵ်ႈ​ဝႃႈ၊ၶုၼ်​တၢင်းတၢႆ​ဢေႃႈ။ မိူင်း​မရၼႃႉ​ၸွမ်း​ပႃႈလင်​မၼ်း​ယူႇ​ဢေႃႈ။ မၼ်း​ၼၼ်ႉ​လႆႈ​ဢုပ်ႉပိူင်ႇ​မိူင်း​လေႃးၵီႇ​သီႇ​ပုၼ်ႈ​ပုၼ်ႈ​ၼိုင်ႈ​လႄႈ​မီး​ဢႃႇၼႃႇ​ဢၼ်​ဢဝ်တၢႆ​လူၺ်ႈ​ၽေး​သိုၵ်း​ၽေး​သိူဝ်၊ၽေး​ဢၼ်​ဢိုပ်းယၢၵ်ႈ၊ၽေး​တၢင်းၶႆႈတၢင်းပဵၼ်၊ဢိၵ်ႇတင်း​ၽေး​တူဝ်ထိူၼ်ႇ​ဢေႃႈ။

ၵမ်း​ၼၼ်ႉ ၵဝ်​တူၺ်း​လႄႈ​ႁၼ်​မႃႉ​ၽိူၵ်ႇ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ၊ယိပ်းၵမ်​ၵၢင်ႇၵူင်​လႄႈ​မၼ်း​ၼၼ်ႉ​လႆႈ​ႁပ်ႉ​ဢဝ်​သရၽူႇ​ဢၼ်​ၼိုင်ႈ​ဢေႃႈ။ မၼ်း​ၼၼ်ႉ​မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​ပႄႉၼႅင်ႇ​လႄႈ​ၶီႇ​မႃႉ​ဢွၵ်ႇ​ၵႂႃႇ​ႁႂ်ႈလႆႈ​ပႄႉၼႅင်ႇ​ဢေႃႈ။

မိူဝ်ႈ​ဢၼ်​သူဝ်းဢွၼ်ႇ​ၸဝ်ႈ​ၼၼ်ႉ၊ၵွၵ်း​ပႅတ်ႈ​လႄႈ​ၽုၺ်ႇ​တၼ်းသိၵ်ႈ​ၵမ်း​တီႈ​ႁႃႈ​ၸိုင်၊ၵႃႈတႂ်ႈ​ၶဵင်ႇ​တၢင်းလူႇ​ၼၼ်ႉ​ၵဝ်​လႆႈ​ႁၼ်​ဝိၺိၺ်ႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ​ဢဝ်တၢႆ​ၵွပ်ႈပိူဝ်ႈ​ၶဝ်​ႁေႃးလၢတ်ႈ​ၼုၵ်ႈၵပၢတ်ႈ​ၽြႃးပဵၼ်ၸဝ်ႈ၊ဢိၵ်ႇတင်း​ၵွပ်ႈပိူဝ်ႈ​ၶဝ်​မီး​သဵတ်ႈၸႃႇ​ၼႂ်း​တၢင်း​ဢၼ်​ၶၢမ်ႇသၢၵ်ႈသေႇ​ၼၼ်ႉ​ဢေႃႈ။

ၶဝ်​ပၢဝ်ႇ​သႅၼ်ႇ​တင်း​သဵင်​ဢၼ်​ယႂ်ႇ​ၼႃႇ​လႄႈ​ဝႃႈ၊ “ၸဝ်ႈ​ဢၼၼ်ႇတႃႉ​တၼ်းၶူဝ်း​ဢၼ်​မူတ်းၸၢင်ႇ​ၸိုဝ်ႈၸႂ်ႈ​ၼၼ်ႉ​တီႈၶႃႈ႟။ ၸဝ်ႈ​ႁဝ်း​ယင်း​ဢမ်ႇ​ၸီႇယၢင်ႇ​ဢပျတ်ႈ​ၵူၼ်းလေႃးၵီႇ​တင်းလၢႆ​ၼႆႉ၊သမ်ႉ​ယင်း​ဢမ်ႇ​ပၼ်တၢမ်ႇ​တီႈ​ၶဝ်​ၸိူဝ်း​ဢၼ်​ဢဝ်​ႁဝ်းၶႃႈ​တၢႆ​ၼႆႉ​လႄႈ​တေ​ယူႇ​ႁိုင်​ထႅင်ႈ​ၵႃႈႁိုဝ်​လူးၵွၼ်ႇ​ၶႃႈ၊” ဝႃႈ​ၼင်ႇ​ၼႆ​ဢေႃႈ။- ၶဝ်​ၼၼ်ႉ၊ၵေႃႉလႂ်​ၵေႃႉ​ၼၼ်ႉ၊လႆႈ​ႁပ်ႉ​ဢဝ်​ၶူဝ်းၼုင်ႈ​ဢၼ်​ၽိူၵ်ႇၶၢဝ်​ႁင်း​ၽႂ်​ႁင်း​မၼ်း​သေလႄႈ မၼ်းၸဝ်ႈ​မီး​ဢမိင်ႉ​တီႈ​ၶဝ်​လႄႈ​လၢတ်ႈ​ဝႃႈ၊ “ၸူဝ်ႈ​ဢၼ်​ပီႈၼွင်ႉ​ဢိၵ်ႇတင်း​ၵေႃႉသႄႈ​သူ​ၸိူဝ်း​ဢၼ်​ႁဵတ်းသၢင်ႈ​လူၺ်ႈ​ၵၼ်​တင်း​သူ၊ဢၼ်​တၵ်း​လႆႈ​ၶၢမ်ႇ​ဢဝ်တၢႆ​မိူၼ်​ၸိူဝ်ႉ​ၼင်ႇ​သူ​ၼၼ်ႉ၊တၢင်း​ဢၼ်​ၼပ်ႉဢၢၼ်ႇ​ယင်း​ဢမ်ႇ​ပႆႇ​တဵမ်​ၸိုင်၊သူ​တၵ်း​လႆႈ​လိုဝ်ႈ​ယူႇ​ၼိမ်​ၼိမ်​ၵမ်းဢွၼ်ႇၼိုင်ႈ​လူးၵွၼ်ႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ၊မႃႉ​လႅင်​တူဝ်​ၼိုင်ႈ​ဢွၵ်ႇ​မႃး​လႄႈ​ၵေႃႉ​ဢၼ်​ၶီႇ​မႃႉ​ၼၼ်ႉ​မီး​ဢႃႇၼႃႇ​ပုၼ်ႈ​တၵ်း​ႁဵတ်း​ႁႂ်ႈ​လိၼ်မိူင်း​ပဵၼ်​သိုၵ်း​ပဵၼ်​သိူဝ်​သေယဝ်ႉ၊ႁႂ်ႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢဝ်​ၵၼ်​တၢႆ​ၼၼ်ႉ​ဢေႃႈ။ မၼ်း​ၼၼ်ႉ​လႆႈ​ႁပ်ႉ​ဢဝ်​လၢပ်ႇ​လူင်​မၢၵ်ႈ​ၼိုင်ႈ​ဢေႃႈ။

ဝၼ်း​ယႂ်ႇ​ဝၼ်း​လူင်​ဢၼ်​မၼ်းၸဝ်ႈ​ၸႂ်မႆႈ​ၶႂ်ႈၸႃႉ​ၼၼ်ႉ​ႁွတ်ႈထိုင်​မႃး​တီႈၶႃႈ​ယဝ်ႉ။ ၽူႈလႂ်​တၵ်း​ၸုၵ်း​ၶၢမ်ႇ​လႆႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​သူဝ်းဢွၼ်ႇ​ၸဝ်ႈ​ၼၼ်ႉ၊ၵွၵ်း​ပႅတ်ႈ​လႄႈ​ၽုၺ်ႇ​တၼ်းသိၵ်ႈ​ၵမ်း​တီႈ​ႁူၵ်း​ၼၼ်ႉ​ၸိုင်၊ၵဝ်​တူၺ်း​လႄႈ​ႁၼ်​တၢင်း​ဢၼ်​ပဵၼ်​ဢိင်ႇသၼ်ႇ​ႁႅင်း​ၼႃႇ​လူင်လၢင်​ဢေႃႈ။ ၵၢင်ဝၼ်း​လပ်းသိင်ႇ​ၵႂႃႇ​မိူၼ်​ၸိူဝ်ႉ​ၼင်ႇ​ၽႃႈ​ၶူၼ်​ၵျၢမ်း​ဢၼ်​လမ်​လႄႈ​လိူၼ်​ၵေႃႈ​လႅင်​ၸၢင်း​ႁၢင်း​ၵႂႃႇ​မိူၼ်​ၸိူဝ်ႉ​ၼင်ႇ​လိူတ်ႈ​ဢေႃႈ။- လၢဝ်​ၵၢင်ႁၢဝ်​တင်းလၢႆ​ၵေႃႈ၊တူၵ်း​မႃး​ၵႃႈၼိူဝ်​လိၼ်မိူင်း​မိူၼ်​ၸိူဝ်ႉ​ၼင်ႇ​မၢၵ်ႇလိူဝ်ႇ​ဢၼ်​ဢမ်ႇ​ပႆႇ​သုၵ်း​ဢၼ်​လုၵ်ႉ​ၵႃႈၼိူဝ်​တူၼ်ႈ​မၼ်း​ႁူင်ႈ​တူၵ်း​မႃး​မိူဝ်ႈ​ဢၼ်​လူမ်းလူင်​ပတ်ႉ​ထူဝ်း​ၶွၼ်း​ၶဝ်ႇ​တူၼ်ႈ​မၼ်း​ၼၼ်ႉ​ဢေႃႈ။

မိူဝ်ႈ​ဢၼ်​သူဝ်းဢွၼ်ႇ​ၸဝ်ႈ​ၼၼ်ႉ၊ၵွၵ်း​ပႅတ်ႈ​လႄႈ​ၽုၺ်ႇ​တၼ်းသိၵ်ႈ​ၵမ်း​တီႈ​သၢမ်​ၼၼ်ႉ​ၵဝ်​လႆႈ​ငိၼ်း​သဵင်​သတ်ႉတဝႃႇ​တူဝ်​သၢမ်​ၼၼ်ႉ​လၢတ်ႈ​ဝႃႈ၊ “မႃး​တႃႉ၊” ဝႃႈ​ၼင်ႇ​ၼႆ​ဢေႃႈ။ ၵမ်း​ၼၼ်ႉ၊ၵဝ်​တူၺ်း​လႄႈ​ႁၼ်​မႃႉ​ၵႃႈ​တူဝ်​ၼိုင်ႈ​ဢေႃႈ။ ၵေႃႉ​ဢၼ်​ၶီႇ​မႃႉ​ၼၼ်ႉ​ယိပ်းၵမ်​ယႃႇၸူႇ​ဢၼ်​ၼိုင်ႈ​ၼႂ်း​မိုဝ်း​မၼ်း​ဝႆႉ​ဢေႃႈ။- ၵဝ်​လႆႈ​ငိၼ်း​သဵင်​ဢၼ်​လၢတ်ႈ​ဢွၵ်ႇ​မႃး​ၵႃႈၼႂ်း​ၵႄႈ​ဝူင်ႈၵၢင်​တူဝ်​သတ်ႉတဝႃႇ​တင်း​သီႇ​တူဝ်​ၼၼ်ႉ​လႄႈ​ဝႃႈ၊ “သၢၼ်ၶဝ်ႈ​ၵျုင်ႇ​ၵွၵ်း​ၼိုင်ႈ၊တၢၼ်ႇ​ၵႃႈႁႅင်း​ဝၼ်း​ၼိုင်ႈ၊ဢိၵ်ႇတင်း​သၢၼ်​မုယေႃး​သၢမ်​ၵွၵ်း၊တၢၼ်ႇ​ၵႃႈႁႅင်း​ဝၼ်း​ၼိုင်ႈ​ၼင်ႇၵဝ်ႇ​ဢေႃႈ။ ၵူၺ်းၵႃႈ၊ယႃႇပေ​ႁႂ်ႈ​ၼမ်ႉမၼ်း​တင်း​ၼမ်ႉမၢၵ်ႇၸပိတ်ႉ​လႆႈ​လု၊” ဝႃႈ​ၼင်ႇ​ၼႆ​ဢေႃႈ။

တွင်ႉၽႃႉ​ၵေႃႈ၊လပ်ႉ​ႁၢႆလၢႆ​ၵႂႃႇ​မိူၼ်​ၸိူဝ်ႉ​ၼင်ႇ​ၵဵၼ်လိၵ်ႈ​ဢၼ်​ႁမ်း​ၵဵၼ်​ၵႂႃႇ​ၼၼ်ႉ​လႄႈ​လွႆ​ၵူႈ​လုၵ်ႈ​ဢိၵ်ႇတင်း​ၵုၼ်​ၵူႈ​လုၵ်ႈ​ၵေႃႈ​ၶၢႆႉ​တီႈ​ယူႇ​ၶဝ်​ၵႂႃႇ​ဢေႃႈ။- မိူဝ်ႈ​ၼၼ်ႉ၊ၸႃႉၸဵမ်​ၶုၼ်ႁေႃၶမ်း​လေႃးၵီႇ​တင်းလၢႆ၊မူးမၢတ်ႈ​ၽွင်းမိူင်း၊ၶုၼ်သိုၵ်း​တင်းလၢႆ​ဢိၵ်ႇတင်း​ၵူၼ်းမၢၵ်ႈၵူၼ်းမီး၊ၵူၼ်း​ဢၼ်​မီး​မုၼ်​မီး​ၽုင်း၊ဢိၵ်ႇတင်း​ၵူၼ်း​တၢင်ႇၵေႃႉ​တၢင်ႇ​ၵူၼ်း​ၵႃႈမီး​တင်းသဵင်ႈတင်းလူင်၊ၵူၼ်း​ဢၼ်​ပဵၼ်​ၶႃႈ​လႄႈ​ၵူၼ်း​ဢၼ်​လွတ်ႈ​တင်းလၢႆ​ဢွၼ်ၵၼ်​ပၢႆႈ​တဵတ်ႇ​ယူႇ​ၵႃႈၼႂ်း​ထမ်ႈ​ၼႂ်း​ငိူပ်ႇ​ၵႃႈၼိူဝ်​လွႆ​တင်းလၢႆ​ဢေႃႈ။