Popular Bible Verses from ပျႃႇတိၵ်ႈ 5

Share

ၶဝ်​ဢွၼ်ၵၼ်​ႁဵတ်း​ၵႂၢမ်း​မႂ်ႇ​ယူႇ​လႄႈ​ဝႃႈ၊ “ၸဝ်ႈႁဝ်း​ထိူၵ်ႈၶၢမ်ႇ​ဢဝ်​ၵဵၼ်လိၵ်ႈ​ၼၼ်ႉ၊ ႁႂ်ႈလႆႈ​ၵွၵ်း​ပႅတ်ႈ​လႄႈ​ၽုၺ်ႇ​တၼ်းသိၵ်ႈ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ၊ၸဝ်ႈ​ႁဝ်း​ၶၢမ်ႇ​တၢင်းတၢႆ​သေယဝ်ႉ၊ ဢဝ်​တင်း​လိူတ်ႈ​ၸဝ်ႈႁဝ်း​ၼၼ်ႉ​ထုတ်ႇ​ဢဝ်​ၵူၼ်း​တင်းလၢႆ၊ ၵႃႈၼႂ်း​ၵူၼ်း​ၵူႈ​မိူင်း​မိူင်း၊ၵူၼ်း​ၵူႈၶိူဝ်းၶိူဝ်း၊ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈမဵဝ်းမဵဝ်း​ၸိူဝ်း​ၼၼ်ႉ​ပုၼ်ႈ​ၽြႃးပဵၼ်ၸဝ်ႈ​ယဝ်ႉ​ဢေႃႈ။

ၶဝ်​ႁဵတ်း​ၵႂၢမ်း​လူၺ်ႈ​သဵင်​ဢၼ်​ယႂ်ႇ​ၼႃႇ​လႄႈ​ဝႃႈ၊ “သူဝ်းဢွၼ်ႇ​ၸဝ်ႈ​ဢၼ်​ၶၢမ်ႇ​တၢင်းတၢႆ​မႃး​ယဝ်ႉ​ၼႆႉ၊ ထိူၵ်ႈၶၢမ်ႇ​ဢဝ်​တၼ်းၶူဝ်း၊ၸေးၸိမ်ႇ၊ပိင်ႇၺႃႇ၊ဢဵၼ်ႁႅင်း၊ၵုင်ႇသရေႇ​မုၼ်ၽုင်း၊ ဢိၵ်ႇတင်း​တၢင်း​ဢၼ်​ယွင်ႈယေႃး​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ႁဝ်း​ႁဵတ်း​ႁႂ်ႈ​ၶဝ်​ပဵၼ်​ယဵၸ်ႈပရေႃးႁဵၵ်ႈ​ဢၼ်​တၵ်း​ဢုပ်ႉပိူင်ႇ​ႁူမ်ႈ​လူၺ်ႈ​ၵၼ်​တင်း​မၼ်းၸဝ်ႈ​ႁႂ်ႈ​ၶဝ်​လႆႈ​ႁဵတ်းဝၢတ်ႈ​ၽြႃးပဵၼ်ၸဝ်ႈ​ႁဝ်းၶႃႈ၊ဢိၵ်ႇတင်း​ႁႂ်ႈ​ၶဝ်​လႆႈ​ဢုပ်ႉပိူင်ႇ​ၵႃႈၼိူဝ်​လိၼ်မိူင်း​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​သမ်ႉ​လႆႈ​ငိၼ်း​သဵင်​ဝူၺ်ႇၼေႇယႃႉ​သတ်ႉတဝႃႇ​ဢၼ်​မီး​ၵႃႈၼိူဝ်​ၵၢင်ႁၢဝ်၊ၵႃႈၼိူဝ်​လိၼ်မိူင်း၊ၵႃႈတႂ်ႈ​လိၼ်မိူင်း၊ဢိၵ်ႇတင်း​ၵႃႈၼႂ်း​ပၢင်ႇလၢႆႇ၊မဵဝ်း​ဢၼ်​ဢသၢၵ်ႈလိပ်း​ယူႇ​ၵႃႈၼႂ်း​ၸၵျႃႇဝလႃႇ၊ၵႃႈမီး​တင်းသဵင်ႈတင်းလူင်​ဢွၼ်ၵၼ်​ႁဵတ်း​ၵႂၢမ်း​ယူႇ​လႄႈ​ဝႃႈ၊ “ႁႂ်ႈ​ၸဝ်ႈ​ဢၼ်​ၼင်ႈ​ၵႃႈၼိူဝ်​ပလၢင်ႇ​ၸဝ်ႈ​ဢိၵ်ႇတင်း​သူဝ်းဢွၼ်ႇ​ၸဝ်ႈ​ၼႆႉ၊ မီး​မၢင်ႇၵလႃႇ၊ၵုင်ႇသရေႇ၊မုၼ်ၽုင်း​ဢႃႇၼုၽေႃႇ၊ဢိၵ်ႇတင်း​ဢႃႇၼႃႇ​တၼ်းၶူဝ်း၊ ၵူႈ​ၵၢပ်ႈ​ၵမ်ႇၽႃႇ​သိုပ်ႇ​သိုပ်ႇ​တၢမ်​တၢမ်​သေၵမ်း​လူၺ်ႈ​တီႈၶႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ၊ၵႃႈၼႂ်း​ၵူၼ်း​ဢၼ်​ဢသၢၵ်ႈ​ယႂ်ႇ​ၸိူဝ်း​ၼၼ်ႉ​ၵေႃႉ​ၼိုင်ႈ၊လၢတ်ႈ​တီႈ​ၵဝ်​လႄႈ​ဝႃႈ၊ “ယႃႇပေ​ႁွင်ႉႁႆႈ​ယဝ်ႉ။ တူၺ်း​လူး။ သၢင်ႇသီႈ​ဢၼ်​ပဵၼ်​ၼႂ်း​ၸိူဝ်ႉၶိူဝ်း​ ယုတႃႉ၊ ဢၼ်​ဝႃႈ၊ၸိူဝ်ႉၶိူဝ်း​ၶုၼ်​ တႃႇဝိတ်ႈ၊ ၼၼ်ႉ၊ပႄႉၼႅင်ႇ​ႁႂ်ႈလႆႈ​ယႃႉပႅတ်ႈ​တၼ်းသိၵ်ႈ​ၸဵတ်း​ၵမ်း​ၼၼ်ႉ သေလႄႈ​ၽုၺ်ႇ​ၵဵၼ်လိၵ်ႈ​ၼၼ်ႉ​လႆႈ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။