Popular Bible Verses from ပျႃႇတိၵ်ႈ 4

Share

“ၽြႃးပဵၼ်ၸဝ်ႈ​ႁဝ်းၶႃႈ​ထႃႇဝရႃႉ​ၽြႃး​တီႈၶႃႈ။ ပိူဝ်ႈ​ဢၼ်​ၸဝ်ႈႁဝ်း​ၽၢၼ်ႇသၢင်း​ႁဵတ်း​ပဵၼ်​ၶိူင်ႈပိူင်​ၵႃႈမီး​တင်းသဵင်ႈတင်းလူင်​ယဝ်ႉ​လႄႈ ၶိူင်ႈပိူင်​ၸိူဝ်း​ၼႆႉ​လႆႈ​ပဵၼ်​ယူႇ၊လႆႈ​ဢသၢၵ်ႈလိပ်း​ယူႇ၊ ၸွမ်းၼင်ႇ​ဢလူဝ်ႇ​ၸဝ်ႈႁဝ်း​ယဝ်ႉ​ၼၼ်ႉ​ၸိုင်၊ၸဝ်ႈ​ႁဝ်း​ထိူၵ်ႈ​ၸၢမ်ႇၸႃး​မုၼ်သရေႇ၊ဢိၵ်ႇတင်း​တၼ်းၶူဝ်း​ၸဝ်ႈ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

တူဝ်​သတ်ႉတဝႃႇ​သီႇ​တူဝ်​ၼၼ်ႉ၊ယေႈ​တူဝ်​မီး​ပိၵ်ႇ​ႁူၵ်း​ဢၼ်​လႄႈ​ၵႃႈတီႈ​ပိၵ်ႇ​ၸိူဝ်း​ၼၼ်ႉ​မီး​မၢၵ်ႇတႃ​ၸွတ်ႇတူဝ်ႈ​ၵႂႃႇ​ၸဵမ်​တၢင်း​ၼွၵ်ႈ​တၢင်းၼႂ်း​ဢေႃႈ။ ၶဝ်​ၼၼ်ႉ၊ဝၼ်း​ဝၼ်း​ၶိုၼ်း​ၶိုၼ်း​ႁဵတ်းၵႂၢမ်း​ယူႇ၊ယင်း​ဢမ်ႇထၢတ်ႇ​ဢမ်ႇ​ယဵၼ်​လႄႈ​ဝႃႈ၊ “ၸဝ်ႈ​ထႃႇဝရႃႉ​ၽြႃးပဵၼ်ၸဝ်ႈ​ဢၼ်​မီး​မႃး​ၼႂ်း​ၸူဝ်ႈ​ဢတိၵ်ႈ​ၵႃႇလႃႉ၊ဢၼ်​မီး​ယူႇ​ၼႂ်း​ၸူဝ်ႈ​ပိတ်ႈၸုပၢၼ်ႇ၊ ဢၼ်​တၵ်း​မီး​ယူႇ​ဢၼႃႇၵၢတ်ႈ​ၵႃႇလႃႉ​ၵမ်းလိုၼ်း​သေႇ​သေႇ​လႄႈ ပျေႉၸုမ်ႇ​ဝႆႉ​တင်း​ဢၼၼ်ႇတႃႉ​တၼ်းၶူဝ်း​လႄႈ​မူတ်းၸၢင်ႇ​တီႈၶႃႈ​ဢေႃႈ။ မူတ်းၸၢင်ႇ​တီႈၶႃႈ​ဢေႃႈ။ မူတ်းၸၢင်ႇ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ယူႇ​ဢေႃႈ။

ဝၢႆးသေ​ၼၼ်ႉ၊ၵဝ်​လႆႈ​ႁၼ်​ၼိမိၵ်ႈ​တၢင်ႇဢၼ်​ထႅင်ႈ​လႄႈ​လႆႈ​ႁၼ်​ၽၵ်းတူ​ၽုၺ်ႇ​ဝႆႉ​ၵႃႈၼိူဝ်​ၵၢင်ႁၢဝ်​ဢေႃႈ။ သဵင်​ဢၼ်​ၵဝ်​လႆႈ​ငိၼ်း​ဢွၼ်တၢင်း​ၼၼ်ႉ​လင်​မေႃး​မိူၼ်​ၸိူဝ်ႉ​ၼင်ႇ​သဵင်​ၼႄးၶရႃႇ​လႄႈ​လၢတ်ႈ​တေႃႇ​ၵဝ်ၶႃႈ​လႄႈ​ဝႃႈ။ “ၶိုၼ်ႈ​မႃး​ၵႃႈတီႈ​ၼႆႈ​တႃႉ။ ၵဝ်​တၵ်း​ၼႄပျႃး​လွင်ႈ​ဢၼ်​တၵ်း​ပဵၼ်​မႃး​ၵမ်းလိုၼ်း​ၼၼ်ႉ​တီႈ​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။