Popular Bible Verses from ပျႃႇတိၵ်ႈ 3

Share

တူၺ်း​လူး။ ၵဝ်​ၸုၵ်း​ၵႃႈတီႈ​ၽၢႆႇၼႃႈ​ၽၵ်းတူ​လႄႈ​တွႆႇ​ယူႇ​ဢေႃႈ။ ၵေႃႉ​ဢၼ်​ငိၼ်း​သဵင်​ၵဝ်​လႄႈ​ၽုၺ်ႇ​ၽၵ်းတူ​ပၼ်​ၼၼ်ႉ၊ၵဝ်​တၵ်း​ၶဝ်ႈ​ၸူး​ၵႃႈၼႂ်း​ႁိူၼ်း​မၼ်း​သေ​ၵိၼ်​လူၺ်ႈ​ၵၼ်​တင်း​မၼ်း​ဢေႃႈ။ မၼ်း​ၵေႃႈ​တၵ်း​လႆႈ​ၵိၼ်​လူၺ်ႈ​ၵၼ်​တင်း​ၵဝ်​ဢေႃႈ။

ၵဝ်​ႁု​တၢင်းၵမ်​တၢင်းၵျၢင်ႉ​မႂ်း​ယူႇ​လႄႈ​မႂ်း​ၼႆႉ​ပဵၼ်​ဢၼ်​ၵတ်း​ၵေႃႈ​ဢမ်ႇၸႂ်ႈ၊ပဵၼ်​ဢၼ်​မႆႈ​ၵေႃႈ​ဢမ်ႇၸႂ်ႈ​ၼၼ်ႉ​ဢေႃႈ။ ၵဝ်​ၶႂ်ႈႁႂ်ႈ​မႂ်း​ပဵၼ်​ဢၼ်​ၵတ်း​ဢမ်ႇၼၼ်​ပဵၼ်​ဢၼ်​မႆႈ​ဢေႃႈ။- ၵူၺ်းၵႃႈ၊ပိူဝ်ႈ​ဢၼ်​မႂ်း​ၼႆႉ၊ၵတ်း​ၵေႃႈ​ဢမ်ႇၸႂ်ႈ၊မႆႈ​ၵေႃႈ​ဢမ်ႇၸႂ်ႈ၊ပဵၼ်​ဢၼ်​ဢုၼ်ႇ​ဢုၼ်ႇ​ဝႆႉ​ၵူၺ်း​လႄႈ​ၵဝ်​တၵ်း​ထူမ်ႇ​မႂ်း​ပႅတ်ႈ​ဢွၵ်ႇ​သေ​ပၢၵ်ႇ​ၵဝ်​ယဝ်ႉ။

ၵဝ်​ၸၢင်ႈ​ပၼ်တၢမ်ႇ​တီႈ​ၶဝ်​ၸိူဝ်း​ဢၼ်​ၵဝ်​ႁၵ်ႉ​ၵႃႈမီး​တင်းသဵင်ႈတင်းမူတ်း​ၼၼ်ႉ​လႄႈ​သင်ႇ​သွၼ်ပၼ်​ၶဝ်​ဢေႃႈ။ ပိူဝ်ႈ​ၼႆ​လႄႈ​တိုၵ်းယူင်း​တူဝ်ၸဝ်ႈၵဝ်ႇ​သေယဝ်ႉ၊ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​တႃႉ။

ၵဝ်​ႁု​တၢင်းၵမ်​တၢင်းၵျၢင်ႉ​မႂ်း​ယူႇ​ဢေႃႈ။ ၵဝ်​ႁု​လွင်ႈ​ဢၼ်​ပိၵ်ႉသမ်ႉ၊မႂ်း​မီး​ႁႅင်း​ဢိတ်းဢွၼ်ႇ​ၼိုင်ႈ​သေၵေႃႈ​မႂ်း​ပႂ်ႉၵမ်​ပႂ်ႉ​ၸွမ်း​ၼုၵ်ႈၵပၢတ်ႈ​ၵဝ်​လႄႈ​ပႂ်ႉ​သဵတ်ႈၸႃႇ​တေႃႇ​ၵဝ်​မႃး​ယဝ်ႉ​ၼၼ်ႉ​ဢေႃႈ။ ၵဝ်​ၽုၺ်ႇ​ပၼ်​ၽၵ်းတူ​ဢၼ်​ၽူႈလႂ်​ဢမ်ႇ​ဢိုတ်း​ႁပ်း​လႆႈ​ၼၼ်ႉ​ဝႆႉ​ၵႃႈတီႈ​ၽၢႆႇၼႃႈ​မႂ်း​ယဝ်ႉ​ဢေႃႈ။

တီႈ​ၶဝ်​ၸိူဝ်း​ဢၼ်​ပႄႉၼႅင်ႇ​ၼၼ်ႉ၊ၵဝ်​တၵ်း​ပၼ်​ဢၶႂၢင်ႉ​ဢၼ်​လႆႈ​ၼင်ႈ​ႁိမ်း​ၶၢင်ႈ​ၵဝ်​ၵႃႈၼိူဝ်​ပလၢင်ႇ​ၵဝ်​မိူၼ်​ၸိူဝ်ႉ​ၼင်ႇ​ဢၼ်​ၵဝ်​ပႄႉၼႅင်ႇ​လႄႈ​မိူဝ်ႈလဵဝ်​ၼႆႉ၊ၼင်ႈ​ယူႇ​ႁိမ်း​ပေႃႈၸဝ်ႈ​ၵဝ်​ၵႃႈၼိူဝ်​ပလၢင်ႇ​မၼ်းၸဝ်ႈ​ၼၼ်ႉ​ဢေႃႈ။

မႂ်း​လၢတ်ႈ​ဝႃႈ၊ ‘ၵဝ်​ၼႆႉ​မၢၵ်ႈမီး​ဢေႃႈ။ မီး​ၽၼ်ႇတႃႇ​ဢုၵ်ႉၸႃႇ​ၼမ်ၼႃႇ​ဢေႃႈ။ ၵဝ်​ဢမ်ႇ​လူဝ်ႇ​ၵႃႈသင်​ထႅင်ႈ​ယဝ်ႉ၊’ ဝႃႈ​ၼင်ႇ​ၼႆ​ယူႇ​လႄႈ​မႂ်း​ယင်း​ဢမ်ႇ​ႁု​လွင်ႈ​ဢၼ်​တူဝ်ၸဝ်ႈၵဝ်ႇ​ယၢပ်ႇၸႂ်​ၶၢၼ်ၸႂ်​ထၢၼ်ႇ​ႁိုဝ်၊ပဵၼ်​ဢၼ်​လီ​ဢဵတ်းလူ​ၵႃႈႁိုဝ်​ၼၼ်ႉ။ မႂ်း​ယင်း​ယၢၵ်ႈၽၢၼ်​ၼႃႇ​လႄႈ​ဢမ်ႇ​မီး​ၶူဝ်း​မီး​လဵင်း​ၵူၺ်းဢမ်ႇၵႃး​ယင်း​တႃမွတ်ႇ​ဝႆႉ​ဢေႃႈ။

ဢၼ်​မႂ်း​ပႂ်ႉၵမ်​ပႂ်ႉ​ၸွမ်း​ဢမိင်ႉ​ၵဝ်၊ႁႂ်ႈလႆႈ​ယိူၼ်ႉၶၢမ်ႇ​ၼၼ်ႉ​ၸိုင်၊ၵဝ်​ၵေႃႈ​တၵ်း​ပႂ်ႉ​လူ​ပႂ်ႉ​တူၺ်း​မႂ်း၊ႁႂ်ႈလႆႈ​ယူႇ​လူင်ႉ​လီ​လွတ်ႈ​လီ​ၼႂ်း​ၶိင်ႇ​ဢၼ်​ၽေး​တုၵ်ႉၶႃႉ​ဢၼ်​တၵ်း​တူၵ်း​ႁွတ်ႈမႃး​ၵႃႈၼိူဝ်​လိၼ်မိူင်း​ႁႂ်ႈလႆႈ​ၸႅတ်ႈ​တူၺ်း​ၸၢမ်းတူၺ်း​ၵူၼ်း​ဝူၺ်ႇၼေႇယႃႉ​သတ်ႉတဝႃႇ​တင်းသဵင်ႈတင်းလူင်​ၼၼ်ႉ​ဢေႃႈ။

ၵဝ်​တၵ်း​ၸဵဝ်း​မႃး​ဢေႃႈ။ ၼင်ႇ​ႁိုဝ်​ၽူႈလႂ်​တၵ်း​ဢမ်ႇ​ႁိမ်​ဢဝ်​လႆႈ​သူး​တၢင်း​ဢၼ်​ပႄႉၼႅင်ႇ​မႂ်း​ၼၼ်ႉ​ၵႂႃႇ​ၸိုင်၊ယိပ်းၵမ်​ဝႆႉ​ၵႃႈ​ဢၼ်​မႂ်း​လႆႈ​ယဝ်ႉ​ၼၼ်ႉ​လီ​လီ​တႃႉ၊

တူင်ႉတိုၼ်ႇ​လႄႈ​ႁႂ်ႈ​ဢၼ်​ယင်း​လိူဝ်​ယူႇ​ၼၼ်ႉ​မၼ်ႈၶိူင်ႇ​ၸူဝ်ႈ​ဢၼ်​ယင်း​ဢမ်ႇ​ပႆႇ​တၢႆ​ၵႂႃႇ​လုမ်း​လုမ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ၊ၵဝ်​ထူပ်း​လွင်ႈ​ဢၼ်​မႂ်း​ၵမ်ၵျၢင်ႉ​ယူႇ​ၼႆႉ၊ဢမ်ႇ​ပႆႇ​ၸေးၸုမ်ႇ​ၵႃႈတီႈ​ၽၢႆႇၼႃႈ​ၽြႃးပဵၼ်ၸဝ်ႈ​ဢေႃႈ။