Popular Bible Verses from ပျႃႇတိၵ်ႈ 2

Share

ၵူၺ်းၵႃႈ၊ၵဝ်​မီး​တီႈ​တၵ်း​တၢင်ႇ​ဢပျတ်ႈ​တီႈ​မႂ်း​ၸမ်ႉ၊တေႃႈလဵဝ်​ၼႆႉ၊မႂ်း​ယင်း​ဢမ်ႇ​ႁၵ်ႉ​ၵဝ်​မိူၼ်​ၸိူဝ်ႉ​ၼင်ႇ​ဢၼ်​မႂ်း​ႁၵ်ႉ​မိူဝ်ႈ​ဢွၼ်တၢင်း​ၼၼ်ႉ​ယဝ်ႉ။

ၶႆႈၸႂ်​ဝူၼ်ႉ​တူၺ်း​လွင်ႈ​ဢၼ်​မႂ်း​သုတ်ႉယွမ်း​ၵႂႃႇ​ထၢၼ်ႇ​ႁိုဝ်​ယဝ်ႉ​ၼၼ်ႉ​တႃႉ။ ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​မႂ်း​သေယဝ်ႉ၊ၵမ်ၵျၢင်ႉ​ၶိုၼ်း​ၵႃႈ​ၼင်ႇ​ဢၼ်​မႂ်း​ယၢမ်ႈ​လႆႈ​ၵမ်ၵျၢင်ႉ​မႃး​ဢွၼ်တၢင်း​ၼၼ်ႉ​တႃႉ။ ပေႃး​ဢမ်ႇၼၼ်၊ၵဝ်​တၵ်း​ၸဵဝ်း​မႃး​ၸူး​တီႈ​မႂ်း​လႄႈ​တၵ်း​ၶၢႆႉ​တီႈ​ၶဵင်ႇ​တႆႈၽႆး​မႂ်း​ပႅတ်ႈ​ဢေႃႈ။

ယႃ​ပေ​ၵူဝ်​တုၵ်ႉၶႃႉ​ဢၼ်​မႂ်း​ၸမ်​တၵ်း​လႆႈ​ၶၢမ်ႇ​ၼၼ်ႉ​သေ​ၸိူဝ်ႉ​သေ​ပိူင်။ ထွမ်ႇ​လူး။ မႃႇၼၢတ်ႈ​ၸမ်​တၵ်း​ဢဝ်​ၵူၼ်း​ၼႂ်း​သူ​ၵမ်ႈၽွင်ႈ​သႂ်ႇ​ထွင်ႇ​ႁႂ်ႈလႆႈ​ၸႅတ်ႈ​သေး​တူၺ်း​သူ​လႄႈ​သူ​တၵ်း​လႆႈ​ၶၢမ်ႇ​တုၵ်ႉၶႃႉ​သိပ်း​ဝၼ်း​တဵမ်တဵမ်​ဢေႃႈ။ ပိၵ်ႉသမ်ႉ​ထိုင်​ပဵၼ်​တၢင်းတၢႆ​ၼၼ်ႉ​သေၵေႃႈ​ပႂ်ႉ​သဵတ်ႈၸႃႇ​တေႃႇ​ၵဝ်​ယူႇ​တႃႉ။ ပေႃး​ႁဵတ်း​ၼင်ႇ​ၼၼ်​ၸိုင်၊ၵဝ်​တၵ်း​ပၼ်​သူး​သရၽူႇ​ဢသၢၵ်ႈ​တီႈ​မႂ်း​ဢေႃႈ။

“ပိူဝ်ႈ​ၼႆ​လႄႈ​ပေႃး​မႂ်း​မီး​ႁူ​ၸိုင်၊ထွမ်ႇဢဝ်​ဢမိင်ႉ​ဢၼ်​ဝိၺိၺ်ႇ​ၸဝ်ႈ​သင်ႇ​ၵႃႈၼိူဝ်​ၸိူဝ်းၸဝ်ႈ​တင်းလၢႆ​ၼၼ်ႉ​တႃႉ။ “တီႈ​ၶဝ်​ၸိူဝ်း​ဢၼ်​ပႄႉၼႅင်ႇ​ၼၼ်ႉ​ၸိုင်၊ၵဝ်​တၵ်း​လႆႈ​ပၼ်​ဢၶႂၢင်ႉ​ဢၼ်​တၵ်း​လႆႈ​ၵိၼ်​မၢၵ်ႇ​တူၼ်ႈ​ဢသၢၵ်ႈ​ဢၼ်​မီး​ဝႆႉ​ၵႃႈၼႂ်း​သူၼ်​မိူင်းၽြႃးပဵၼ်ၸဝ်ႈ​ၼၼ်ႉ​ဢေႃႈ။”

လွင်ႈ​ဢၼ်​မႂ်း​ၵမ်ၵျၢင်ႉ​ၸိူဝ်ႉ​ၼင်ႇ​ႁိုဝ်၊မႂ်း​ယၢပ်ႇၽိုတ်ႇ​ထၢၼ်ႇ​ႁိုဝ်​ဢိၵ်ႇတင်း​မႂ်း​ယိူၼ်ႉၶၢမ်ႇ​မႃး​ထၢၼ်ႇ​ႁိုဝ်​ၼၼ်ႉ​ၵဝ်​ႁု​ယူႇ​ဢေႃႈ။ ၵဝ်​ႁု​လွင်ႈ​ဢၼ်​မႂ်း​ဢမ်ႇ​ႁပ်ႉ​ၶၢမ်ႇ​ဢဝ်​လႆႈ​ၵူၼ်း​ဢၼ်​ဢမ်ႇတြႃး​ၸိူဝ်း​ၼၼ်ႉ၊ဢိၵ်ႇတင်း​လွင်ႈ​ဢၼ်​မႂ်း​ၸႅတ်ႈ​သေး​တူၺ်း​ၶဝ်​ၸိူဝ်း​ဢၼ်​ယင်း​ဢမ်ႇၸႂ်ႈ​တမၢၼ်ႇၸဝ်ႈ​လႄႈ​ႁဵတ်း​ႁၢင်ႈ​ပဵၼ်​တမၢၼ်ႇၸဝ်ႈ​ၼၼ်ႉ​သေယဝ်ႉ၊လႆႈ​ႁု​လွင်ႈ​ဢၼ်​ၶဝ်​ပဵၼ်​ၵူၼ်း​ပႅတ်ႉ​ၵူၼ်း​လႅၼ်​ၼၼ်ႉ​ဢေႃႈ။

လွင်ႈ​ဢၼ်​မႂ်း​ဝႆႉၸႂ်​ယိုၼ်း​ၸႂ်​ယၢဝ်း​လႄႈ​ယိူၼ်ႉၶၢမ်ႇ​တုၵ်ႉၶႃႉ​တၢင်း​ၽၢၼ်​ပုၼ်ႈ​ၸိုဝ်ႈသဵင်​ၵဝ်​ၼၼ်ႉ၊ဢဵၼ်ႁႅင်း​မႂ်း​ယင်း​ဢမ်ႇ​ဢူၼ်ႈဢွၼ်ႇ​ၵႂႃႇ​ၼၼ်ႉ​ၵေႃႈ​ၵဝ်​ႁု​ယူႇ​ဢေႃႈ။

“ပိူဝ်ႈ​ၼႆ​လႄႈ၊ပေႃး​သူ​မီး​ႁူ​ၸိုင်၊ထွမ်ႇဢဝ်​ဢမိင်ႉ​ဢၼ်​ဝိၺိၺ်ႇ​ၸဝ်ႈ​သင်ႇ​လၢတ်ႈ​ၵႃႈတီႈ​ၸိူဝ်းၸဝ်ႈ​တင်းလၢႆ​ၼၼ်ႉ​တႃႉ။ “တီႈ​ၵေႃႉ​ဢၼ်​ပႄႉၼႅင်ႇ​ၼၼ်ႉ​ၸိုင်၊ၵဝ်​တၵ်း​ပၼ်​ၶဝ်ႈမုၼ်း​ မၼ်ႇၼႃႉ၊ ဢၼ်​သိူင်ႇ​ဝႆႉ၊ဢိၵ်ႇတင်း​တၵ်း​ပၼ်​မၢၵ်ႇႁိၼ်​ၶၢဝ်​ႁူၺ်ႇ​ၼိုင်ႈ၊ဢၼ်​ဢဝ်​တင်း​တူဝ်လိၵ်ႈ​ဢႅၵ်ႉၶရႃႇ​တႅမ်ႈ​ၸိုဝ်ႈသဵင်​ဢၼ်​မႂ်ႇ​ဝႆႉ​ၼၼ်ႉ​ဢေႃႈ။ ၼွၵ်ႈ​သေၵေႃႉ​ဢၼ်​လႆႈ​ႁပ်ႉ​ဢဝ်​မၢၵ်ႇႁိၼ်​ၼၼ်ႉ​ဢမ်ႇ​မီး​ၽူႈလႂ်​ႁု​ၸိုဝ်ႈသဵင်​ၼၼ်ႉ​လႆႈ။