Popular Bible Verses from ပျႃႇတိၵ်ႈ 1

Share

“ၵဝ်​ပဵၼ်​ၵေႃႇၸႃႉ​ႁူဝ်ပိုင်း​ဢိၵ်ႇတင်း​လိုၼ်းလင်​သုတ်း​ပိူၼ်ႈ​ဢေႃႈ၊” ဝႃႈၼႆ​ထႃႇဝရႃႉ​ၽြႃးပဵၼ်ၸဝ်ႈ၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ၸဝ်ႈ​ဢၼ်​မီး​ယူႇ​ၸူဝ်ႈ​ပိတ်ႈၸုပၢၼ်ႇ၊ၸဝ်ႈ​ဢၼ်​မီး​မႃး​ၸူဝ်ႈ​ဢတိၵ်ႈ၊ၸဝ်ႈ​ဢၼ်​တၵ်း​မီး​ယူႇ​ဢၼႃႇၵၢတ်ႈ​ၵႃႇလႃႉ​ၵမ်းလိုၼ်း​သေႇ​သေႇ​ၼၼ်ႉ​မီး​ဢမိင်ႉ​ဢေႃႈ။

ၵေႃႉ​ဢၼ်​ဢသၢၵ်ႈလိပ်း​ၵေႃႈ​ပဵၼ်​ဢေႃႈ။ ၵဝ်​လႆႈ​တၢႆ​ယဝ်ႉ​လႄႈ​တေႃႈလဵဝ်​ၼႆႉ၊ၵဝ်​မီး​ဢသၢၵ်ႈလိပ်း​ယူႇ​တႃႇသေႇ​ဢမ်ႇထၢတ်ႇ​သိုပ်ႇ​သိုပ်ႇ​တၢမ်​တၢမ်​ဢေႃႈ။ ၵဝ်​ဢုပ်ႉပိူင်ႇ​တၢင်းတၢႆ​ဢိၵ်ႇတင်း​မိူင်း​မရၼႃႉ​ဢေႃႈ။

ၵေႃႉ​ဢၼ်​ၽတ်းဢၢၼ်ႇ​လိၵ်ႈ​တြႃး​ၼႆႉ​ပၼ်​တီႈ​ပိူၼ်ႈ​ၼၼ်ႉ​မီး​မၢင်ႇၵလႃႇ​ဢေႃႈ။ ၶဝ်​ၸိူဝ်း​ဢၼ်​ထွမ်ႇဢဝ်​ၵႂၢမ်း​ပျႃႇတိၵ်ႈ​ၼႆႉ​သေလႄႈ​ၵမ်ၵျၢင်ႉ​ၸွမ်း​ၵႃႈ​ၼင်ႇ​ဢၼ်​တႅမ်ႈ​ဝႆႉ​ၵႃႈၼႂ်း​ၽိုၼ်လိၵ်ႈ​ၼႆႉ​ၼၼ်ႉ​ၵေႃႈ၊မီး​မၢင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ၊ၶိင်ႇၵႃႇလႃႉ​ၸမ်​တၵ်း​ႁွတ်ႈထိုင်​မႃး​ယဝ်ႉ​ဢေႃႈ။

မိူဝ်ႈ​ဢၼ်​ၵဝ်​ႁၼ်​မၼ်း​ၸိုင်၊ၵဝ်​ၶုပ်ႉမူပ်ႇ​ၵႃႈတီႈ​ႁိမ်း​တိၼ်​မၼ်း​ယူႇ​မိူၼ်​ၸိူဝ်ႉ​ၼင်ႇ​ၵူၼ်းတၢႆ​ဢေႃႈ။ မၼ်း​ၼၼ်ႉ​ဢဝ်​မိုဝ်း​ၶွၼ်ၶႂႃ​မၼ်း​တၢင်ႇ​သႂ်ႇ​ၵႃႈၼိူဝ်​ၵဝ်​လႄႈ​လၢတ်ႈ​ဝႃႈ၊ “ယႃႇပေ​ၵူဝ်။ ၵဝ်​ပဵၼ်​ၵေႃႇၸႃႉ​ႁူဝ်ပိုင်း​ဢိၵ်ႇတင်း​လိုၼ်းလင်​သုတ်း​ဢေႃႈ။

တူၺ်း​လူး။ မၼ်းၸဝ်ႈ​တၵ်း​ၶီႇ​မွၵ်ႇၵုမ်ႈ​မႃး​ဢေႃႈ။ ၵူၼ်း​ၵူႈၵေႃႉၵူႈၵူၼ်း​ဢိၵ်ႇတင်း​ၵူၼ်း​ၸိူဝ်း​ဢၼ်​လႆႈ​တႅင်း​မၼ်းၸဝ်ႈ​ၼၼ်ႉ​တၵ်း​မုင်ႈ​ႁၼ်​မၼ်းၸဝ်ႈ​ဢေႃႈ။ ၵူၼ်းလေႃးၵီႇ​တင်းသဵင်ႈတင်းလူင်​တၵ်း​လႆႈ​ႁွင်ႉႁႆႈ​ပွင်ႉၶၢင်း​ၵွပ်ႈပိူဝ်ႈ​မၼ်းၸဝ်ႈ​ဢေႃႈ။ တၵ်း​ပဵၼ်​ၸိူဝ်ႉ​ၼင်ႇ​ၼၼ်​တႄႉတႄႉ​ဢေႃႈ။ ဢႃမိၼ်ႈ။