Popular Bible Verses from ယေႃးသု 6

Share

ထႃႇဝရႃႉ​ၽြႃး၊ လၢတ်ႈ​တီႈ​ ယေႃးသု၊ လႄႈ​ဝႃႈ၊ “တူၺ်း​လူး။ ၵဝ်​ဢဝ်​ဝဵင်း​ ယေႇရိၶူဝ်း၊ ဢိၵ်ႇတင်း​ၶုၼ်ႁေႃၶမ်း​မၼ်း​တင်း​ၵူၼ်းသိုၵ်း​ဢၼ်​ႁႅင်း​ယႂ်ႇ​ၸိူဝ်း​ၼၼ်ႉ​ဢၢပ်ႈပၼ်​ၵႃႈၼႂ်း​မိုဝ်း​မႂ်း​ယဝ်ႉ။

ၵမ်း​ၼၼ်ႉ​ၶဝ်​တၵ်း​လႆႈ​ပဝ်ႇ​တိုင်ႈ​သဵင်​တုတ်ႈ​ဢၼ်​ယၢဝ်း​ၼႃႇ​ၼၼ်ႉ​ဢေႃႈ။ မိူဝ်ႈ​ဢၼ်​သူ​လႆႈ​ငိၼ်း​သဵင်​ၼၼ်ႉ​ၸိုင်၊ၵူၼ်း​ၵႃႈမီး​တင်းသဵင်ႈတင်းလူင်​တၵ်း​လႆႈ​ဢွၼ်ၵၼ်​ပၢဝ်ႇ​သႅၼ်ႇ​လူၺ်ႈ​သဵင်​ဢၼ်​ယႂ်ႇ​ၼႃႇ​လူင်လၢင်​လႄႈ​လမ်း​ဝဵင်း​ၼၼ်ႉ​တၵ်း​လူမ်ႉ​ပင်း​ၵႂႃႇ​မူတ်း​မူတ်း​ဢေႃႈ။ မိူဝ်ႈ​ၼၼ်ႉ​ၵူၼ်း​တင်းလၢႆ​တၵ်း​လႆႈ​ၶိုၼ်ႈ​ၸူး​သိုဝ်ႈ​ၽႂ်​တၼ်း​မၼ်း​ၵူႈၵေႃႉၵူႈၵူၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မႂ်း​ဢိၵ်ႇတင်း​ၵူၼ်းသိုၵ်း​မႂ်း​တင်းလၢႆ​တၵ်း​လႆႈ​ပႆ​ပၼ်ႇ​ႁွပ်ႈ​ဝဵင်း​ၼၼ်ႉ​ယေႈ​ဝၼ်း​ယေႈ​ႁွပ်ႈ​ႁႂ်ႈ​ထူၼ်ႈ​ထိုင်​ႁူၵ်း​ဝၼ်း​ဢေႃႈ။

ယဵၸ်ႈပရေႃးႁဵၵ်ႈ​ၸဵတ်း​ၵေႃႉ​တၵ်း​လႆႈ​ဢဝ်​တုတ်ႈ​ဢၼ်​ဢဝ်​ၶဝ်​သူဝ်းပေႃႈ​ႁဵတ်း​ၼၼ်ႉ ယေႈ​ၵေႃႉ​ယေႈ​ဢၼ်​သေလႄႈ​ဢွၼ်ႁူဝ်​တိူၵ်ႈ​ပတိၺိၺ်ႇ​ၸဝ်ႈ​ၵႂႃႇ​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​တီႈ​ၸဵတ်း​ဝၼ်း​ၼၼ်ႉ​မႂ်း​ဢိၵ်ႇတင်း​ၵူၼ်းသိုၵ်း​မႂ်း​တင်းလၢႆ​တၵ်း​လႆႈ​ပႆ​လဵပ်ႈႁွပ်ႈ​ဝဵင်း​ၼၼ်ႉ​ၸဵတ်း​ႁွပ်ႈ​လႄႈ​ယဵၸ်ႈပရေႃးႁဵၵ်ႈ​ၸိူဝ်း​ၼၼ်ႉ​တၵ်း​လႆႈ​ပဝ်ႇ​တိုင်ႈ​တုတ်ႈ​ၶဝ်​သူဝ်းပေႃႈ​ၼၼ်ႉ​ဢေႃႈ။

မိူဝ်ႈၼၼ်ႉ​ၽၵ်းတူ​ဝဵင်း​ ယေႇရိၶူဝ်း၊ တင်းလၢႆ​ဢိုတ်း​ႁပ်း​ဝႆႉ​လႄႈ​ပႂ်ႉ​တႃႈ​ပႂ်ႉ​ၵၢင်​ဝႆႉ​လီ​လီ​ငၢမ်း​ငၢမ်း​ၼင်ႇ​ႁိုဝ်​ၵူၼ်း​မဵဝ်း​ ဢိသရေး၊ ၶဝ်​တၵ်း​ဢမ်ႇ​ၶဝ်ႈ​လႆႈ​ၼၼ်ႉ​ဢေႃႈ။ ၵူၼ်း​ၶဝ်ႈ​ၵူၼ်း​ဢွၵ်ႇ​ဢမ်ႇ​မီး​သေၵေႃႉသေၵူၼ်း။

ၼႂ်း​ႁွပ်ႈ​ဢၼ်​ထူၼ်ႈ​ၸဵတ်း​ႁွပ်ႈ​မိူဝ်ႈ​ဢၼ်​ယဵၸ်ႈပရေႃးႁဵၵ်ႈ​ၸိူဝ်း​ၼၼ်ႉ​ၸမ်​တၵ်း​ပဝ်ႇ​တိုင်ႈ​တုတ်ႈ​ၼၼ်ႉ​ၸိုင်၊ ယေႃးသု၊ ပူင်ဢမိင်ႉ​တီႈ​ၵူၼ်း​တင်းလၢႆ​လႄႈ​လၢတ်ႈ​ဝႃႈ၊ “ဢွၼ်ၵၼ်​ႁွင်ႉသႅၼ်ႇ​တႃႉ။ ထႃႇဝရႃႉ​ၽြႃး၊ ပၼ်​ဝဵင်း​ၼၼ်ႉ​တီႈ​သူ​ယဝ်ႉ။

ဝဵင်း​ဢိၵ်ႇတင်း​ၵႃႈ​ဢၼ်​မီး​ၼႂ်း​မၼ်း​ၼၼ်ႉ​တၵ်း​လႆႈ​ယႃႉၽဵဝ်ႈ​ပႅတ်ႈ​လုမ်း​လုမ်း​ၸိူဝ်ႉ​ၼင်ႇ​ၶိူင်ႈ​တၢင်းလူႇ​တီႈ​ ထႃႇဝရႃႉ​ၽြႃး၊ ဢေႃႈ။ ၵူၺ်းၵႃႈ၊မႄႈမွၵ်ႇယႃႈ​ ရႃႇၶပ်ႉ၊ ဢိၵ်ႇတင်း​ၵူၼ်းႁိူၼ်းၵူၼ်းယေး​မၼ်း​တင်းလၢႆ​ၼၼ်ႉ​တၵ်း​လႆႈ​ဝႆႉ​ဢသၢၵ်ႈ​ၶဝ်​ႁႂ်ႈလႆႈ​ၶျၢမ်းသႃႇ၊ၵွပ်ႈပိူဝ်ႈ​မၼ်း​ၸွႆႈ​သိူင်ႇ​ပၼ်​ၵူၼ်း​သွပ်ႇၶၢဝ်ႇ​ႁဝ်း​ၼၼ်ႉ​ဢေႃႈ။