Popular Bible Verses from တမၢၼ်ႇ 3

Share

ပိူဝ်ႈ​ၼႆ​လႄႈ​လွင်ႈ​ၼင်ႇ​ႁိုဝ်​မၼ်းၸဝ်ႈ​တၵ်း​ပွႆႇလွတ်ႈ​ဢပျတ်ႈ​သူ​ၵႃႈမီး​ၸိုင်၊ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​ၸူး​တီႈ​ၽြႃးပဵၼ်ၸဝ်ႈ​တႃႉ။ ပေႃး​သူ​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊

ၵူၺ်းၵႃႈ၊ ပေႇတရု၊ လၢတ်ႈ​လႄႈ​ဝႃႈ၊ “ၵဝ်​ဢမ်ႇ​မီး​ငိုၼ်း​မီး​ၶမ်း။ ၵူၺ်းၵႃႈ၊ၵႃႈ​ဢၼ်​ၵဝ်​မီး​ၼၼ်ႉ၊ၵဝ်​တၵ်း​ပၼ်​ဢေႃႈ။ ၵဝ်​ဢိင်ပိုင်ႈ​ၸိုဝ်ႈသဵင်​ ၸဝ်ႈ​ယေႇသု​ၶရိၸ်ႈ၊ ၵူၼ်း​ဝဵင်း​ ၼႃႇၸရႅတ်ႈ၊ သေလႄႈ မီး​ဢမိင်ႉ​တီႈ​မႂ်း​ၸမ်ႉ၊လုၵ်ႉ​လႄႈ​ပႆ​တႃႉ၊” ဝႃႈ​ၼင်ႇ​ၼႆ​သေယဝ်ႉ၊

ယိပ်း​ဢဝ်​မိုဝ်း​ၶွၼ်ၶႂႃ​မၼ်း​သေ​ၸၼ်​မၼ်း​လုၵ်ႉ​ဢေႃႈ။ ယၢမ်း​ၼၼ်ႉ​တိၼ်​တင်း​တႃတိၼ်​မၼ်း​ၼၼ်ႉ​တင်း​သွင်​ၶွၼ်​မီး​ႁႅင်း​မႃး​ၵမ်းလဵဝ်​လႄႈ၊- ၵေႃႉ​ၼၼ်ႉ၊လုၵ်ႉၸုၵ်း​မႃး​လႆႈ​ၵွႆး​မၼ်း​သေယဝ်ႉ၊ပႆ​ၵႂႃႇ​ပႆ​မႃး​သေလႄႈ ၶဝ်ႈ​ၸွမ်း​ၶဝ်​ၵႂႃႇ​ၵႃႈၼႂ်း​ၵျွင်း​ပိၵ်ႈမၢၼ်ႇ​ၸဝ်ႈ၊ၵျွၵ်းဝႅၼ်​ယူႇ၊ယွင်ႈယေႃး​ၵျေးၸူး​ၽြႃးပဵၼ်ၸဝ်ႈ​ယူႇ​ဢေႃႈ။

ၼႆႉ​ၸမ်ႉ၊ပဵၼ်​တၼ်းၶူဝ်း​ၼႃႇမႃႉ​ၸိုဝ်ႈသဵင်​ၸဝ်ႈ​ၼၼ်ႉ၊ႁႂ်ႈ​ၵူၼ်း​တိၼ်​တၢႆ​ၼႆႉ​မီး​ႁႅင်း​မႃး​ဢေႃႈ။ ၵႃႈ​ဢၼ်​သူ​လႆႈ​ႁု​လႆႈ​ႁၼ်​ၼႆႉ၊ပဵၼ်​မႃး​ၵွပ်ႈပိူဝ်ႈ​တၢင်း​ဢၼ်​ယုမ်ႇမၢတ်ႈ​ၼႃႇမႃႉ​ၸိုဝ်ႈသဵင်​ၸဝ်ႈ​ၼၼ်ႉ​ယဝ်ႉ။ ၵႃႈ​ဢၼ်​လႆႈ​ၸိုၼ်ႈ​ႁၢႆ​မႃး​သိုဝ်ႈ​ၼႃႈ​တႂ်ႈတႃ​သူ​ၼႆႉ၊ပဵၼ်​မႃး​ၵွပ်ႈပိူဝ်ႈ​တၢင်း​ႁဝ်း​ဢၼ်​ယုမ်ႇမၢတ်ႈ​တီႈ​ ၸဝ်ႈ​ယေႇသု၊ ဢေႃႈ။