Popular Bible Verses from တမၢၼ်ႇ 4

Share

လိူဝ်​သေ​ၼၼ်ႉ၊တြႃး​တၢင်း​ဢၼ်​ၵႄႇၶျွတ်ႈ​ဢဝ်​ဢၼ်​ဝႃႈ​ၼၼ်ႉ​ၵေႃႈ၊မီး​ၼႂ်း​ၸဝ်ႈ​ၼႆႉ​သူႇလဵဝ်​ပႃးလဵဝ်​ၵူၺ်း​ဢေႃႈ။ ၵႃႈၼႂ်း​ၶူင်းၵၢင်​မိူင်း​လေႃးၵႃႉ​ၼႆႉ၊လိူဝ်​သေ​ၼႃႇမႃႉ​ၸိုဝ်ႈသဵင်​မၼ်းၸဝ်ႈ​လႄႈ​ဢမ်ႇ​မီး​ၸဝ်ႈ​တၢင်ႇ​သူႇ​တၢင်ႇ​ပႃး​ဢၼ်​ၵႄႇၶျွတ်ႈ​ဢဝ်​ႁဝ်း​လႆႈ၊” ဝႃႈ​ၼင်ႇ​ၼႆ​ဢေႃႈ။

ဝၢႆးသေ​ၶဝ်​သူးတွင်း​ယဝ်ႉ​ၵႂႃႇ​ၸိုင်၊တီႈ​ဢၼ်​ၶဝ်​ၸုတုမ်​ၵၼ်​ၼၼ်ႉ၊သၼ်ႇ​ဝႆ​ၵႂႃႇ​ဢေႃႈ။ ၶဝ်​ၵေႃႈ​တဵမ်​ဝႆႉ​တင်း​ဝိၺိၺ်ႇ​မူတ်းၸၢင်ႇ​ၸဝ်ႈ​သေလႄႈ​တႄႇၸႃႉ​ႁေႃးလၢတ်ႈ​တြႃး​ၽြႃးပဵၼ်ၸဝ်ႈ​ႁတ်း​ႁတ်းႁၢၼ်​ႁၢၼ်​ဢေႃႈ။

ပိူဝ်ႈ​ၼႆ​လႄႈ​ၸဝ်ႈႁဝ်း​တီႈၶႃႈ၊တေႃႈလဵဝ်​ၼႆႉ​ၶႅၼ်းတေႃႈ​လူတူၺ်း​တၢင်း​ဢၼ်​ၶဝ်​ႁႄႉၶႅၼ်​ၸိူဝ်း​ၼၼ်ႉ​သေလႄႈ​ၶႅၼ်းတေႃႈ​ပၼ်​ဢၶႂၢင်ႉ​ၶႃႈၸဝ်ႈႁဝ်း​ၶဝ်​ၸိူဝ်း​ၼႆႉ၊တၵ်း​လႆႈ​ႁေႃးလၢတ်ႈ​တြႃး​ၸဝ်ႈႁဝ်း​ႁတ်း​ႁတ်းႁၢၼ်​ႁၢၼ်​သေၵမ်း​တီႈၶႃႈ။

ၸဝ်ႈ​ယေႇသု၊ ၼႆႉ၊ပဵၼ်​ၸဝ်ႈ​ဢၼ်​ၵျၢမ်းလိၵ်ႈ​တႅမ်ႈ​ဝႆႉ​လႄႈ​ဝႃႈ၊ “‘မၢၵ်ႇႁိၼ်​ဢၼ်​သူ​ၸိူဝ်း​ဢၼ်​ႁဵတ်း​ႁိူၼ်း​တိူၵ်ႈ​ဢဝ်​ပႄႇပႅတ်ႈ​ဝႆႉ​ၼၼ်ႉ၊ ပိၼ်ႇ​ပဵၼ်​မၢၵ်ႇႁိၼ်​ႁူဝ်​ၸဵင်ႇတိူၵ်ႈ​ဢေႃႈ၊’ ဝႃႈ​ၼင်ႇ​ၼႆ​ဢေႃႈ။

ၵူၼ်း​ၸိူဝ်း​ဢၼ်​ၶဝ်ႈပႃး​ၼႂ်း​မူႇ​ၶုၼ်လုမ်း​ၸိူဝ်း​ၼၼ်ႉ၊လႆႈ​ႁၼ်​တၢင်း​ဢၼ်​ႁတ်း​ဢၼ်​ႁၢၼ်​ ပေႇတရု၊ တင်း​ ယူဝ်းႁၢၼ်ႇ၊ လႄႈ၊ႁု​လွင်ႈ​ဢၼ်​ၶဝ်​ဢမ်ႇ​ပေႃး​မေႃ​လိၵ်ႈ​တႄႉတႄႉ​ဝႃႈ​ဝႃႈ၊ပဵၼ်​ၵူၼ်း​ပၢၼ်ၵၢင်​ၵူၺ်း​ၼၼ်ႉ​ၸိုင်၊ဢၢမ်း​ၼႃႇ​သေလႄႈ​ၶဝ်​ၶုၵ်းၸႂ်လႆႈ​လွင်ႈ​ဢၼ်​ယၢမ်ႈ​ပဵၼ်​ၵူၼ်း​ၸွမ်းလင်​ ၸဝ်ႈ​ယေႇသု၊ မႃး​ယဝ်ႉ​ၼၼ်ႉ​ဢေႃႈ။

မူႇၵူၼ်း​ၸိူဝ်း​ဢၼ်​ယုမ်ႇမၢတ်ႈ​ၼၼ်ႉ၊ဝႆႉၸႂ်​ၶဝ်​ပဵၼ်​ဢၼ်လဵဝ်​ၵၼ်​လႄႈ ၽွမ်ႉ​သဵင်​ပဵင်း​ပၢၵ်ႇ​ၵၼ်​ဝႆႉ​ဢေႃႈ။ ၽူႈလႂ်​ယင်း​ဢမ်ႇ​ဝႃႈ၊ၶွင်​ၵဝ်​ၶွင်​မႂ်း​လႄႈ​ၶဝ်​ဢဝ်​ဢုၵ်ႉၸႃႇ​ဢၼ်​ၶဝ်​မီး​ၼၼ်ႉ၊ၽႄမႅင်ႇ​ပၼ်​တီႈ​ၵၼ်​ယူႇ​ဢေႃႈ။