Popular Bible Verses from တမၢၼ်ႇ 2

Share

ပေႇတရု၊ ၶိုၼ်း​လၢတ်ႈ​လႄႈ​ဝႃႈ၊ “ပုၼ်ႈ​လွင်ႈ​ၼင်ႇ​ႁိုဝ်​သူ​တၵ်း​လွတ်ႈ​ဢပျတ်ႈ​ၸိုင်၊သူ​ဢွၼ်ၵၼ်​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​သေယဝ်ႉ၊ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​ၼႂ်း​ၸိုဝ်ႈသဵင်​ ၸဝ်ႈ​ယေႇသု​ၶရိၸ်ႈ၊ တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ဢပျတ်ႈ​သူ​တၵ်း​လႆႈ​လွတ်ႈ​လႄႈ သူ​တၵ်း​လႆႈ​ႁပ်ႉ​ၶၢမ်ႇ​ဢဝ်​သူး၊ဢၼ်​ပဵၼ်​ဝိၺိၺ်ႇ​မူတ်းၸၢင်ႇ​ၸဝ်ႈ​ဢေႃႈ။

ၶဝ်​ၼၼ်ႉ၊ဢွၼ်ၵၼ်​သွၼ်​ဢဝ်​တီႈ​တမၢၼ်ႇၸဝ်ႈ​တင်းလၢႆ​ယူႇ၊ၶဝ်ႈပႃး​ၼႂ်း​တၢင်း​ဢၼ်​ႁဵတ်း​မုၵ်ႉ​ႁဵတ်း​ၸိူဝ်း​ယူႇ၊ၼင်ႇ​ၵၼ်​ၵၼ်​ၽႄမႅင်ႇ​တၢင်းၵိၼ်​တီႈ​ၵၼ်​ယူႇ၊ဢိၵ်ႇတင်း​ႁဵတ်း​ပထၼႃႇ​သူးတွင်း​ယူႇ​တႃႇသေႇ​ဢေႃႈ။

ၶဝ်​ၼၼ်ႉ၊တင်းသဵင်ႈတင်းလူင်​ပျေႉၸုမ်ႇ​တဵမ်​ဝႆႉ​တင်း​ဝိၺိၺ်ႇ​မူတ်းၸၢင်ႇ​ၸဝ်ႈ​လႄႈ​ဝိၺိၺ်ႇ​ၸဝ်ႈ​ႁဵတ်း​ႁႂ်ႈ​ၶဝ်​ၸၢင်ႈ​မေႃ​လၢတ်ႈ​ၼႂ်း​ၵႂၢမ်း​ၽႃႇသႃႇ​တၢင်ႇၸိူဝ်ႉတၢင်ႇၶိူဝ်း​တင်းလၢႆ​ဢေႃႈ။

မိူဝ်ႈ​ၼၼ်ႉ​ၵမ်းလဵဝ်၊သဵင်​ဢၼ်​မိူၼ်​သဵင်​လူမ်း​ၽိဝ်​ႁုင်​လုၵ်ႉ​ၵႃႈတီႈ​ၵၢင်ႁၢဝ်​ပေႃႇမႃး၊တဵမ်​ႁိူၼ်း​ဢၼ်​ၶဝ်​ၼင်ႈ​ယူႇ​ၼၼ်ႉ​ဝႆႉ​ဢေႃႈ။- ၶဝ်​လႆႈ​ႁၼ်​ဢၼ်​မိူၼ်​ၸိူဝ်ႉ​ၼင်ႇ​ပဵဝ်ၽႆး​ၼမ်ၼႃႇ​ၽုတ်း​မႃး​ၽႄႈ​ဢွၵ်ႇ​ၵႂႃႇ​ၸပ်း​ၵႃႈၼိူဝ်​ၶဝ်၊ႁင်း​ၽႂ်​ႁင်း​မၼ်း​ဢေႃႈ။- ၶဝ်​ၼၼ်ႉ၊တင်းသဵင်ႈတင်းလူင်​ပျေႉၸုမ်ႇ​တဵမ်​ဝႆႉ​တင်း​ဝိၺိၺ်ႇ​မူတ်းၸၢင်ႇ​ၸဝ်ႈ​လႄႈ​ဝိၺိၺ်ႇ​ၸဝ်ႈ​ႁဵတ်း​ႁႂ်ႈ​ၶဝ်​ၸၢင်ႈ​မေႃ​လၢတ်ႈ​ၼႂ်း​ၵႂၢမ်း​ၽႃႇသႃႇ​တၢင်ႇၸိူဝ်ႉတၢင်ႇၶိူဝ်း​တင်းလၢႆ​ဢေႃႈ။

ၶဝ်​ဢွၼ်ၵၼ်​ၶိုၼ်ႈ​ၵျွင်း​ပိၵ်ႈမၢၼ်ႇ​ၸဝ်ႈ၊ၸုတုမ်​ၵၼ်​ၵူႈ​မိုဝ်ႉ​ၵူႈဝၼ်း​ယူႇ၊ၵိၼ်​ၶဝ်ႈ​ႁူမ်ႈ​လူၺ်ႈ​ၵၼ်​ၵႃႈတီႈ​ႁိူၼ်း​ၶဝ်​တင်း​ႁူဝ်ၸႂ်​ဢၼ်​ၶၢဝ်​သႂ်​တင်း​ၸႂ်​ဢၼ်​သႂၢင်ႇ​သိူဝ်း​ယူႇ၊- ဢွၼ်ၵၼ်​ယွင်ႈယေႃး​ၽြႃးပဵၼ်ၸဝ်ႈ​ယူႇ​လႄႈ လႆႈၼႃႈလႆႈတႃ​ၵႃႈတီႈ​ၽၢႆႇၼႃႈ​ၵူၼ်း​တင်းလၢႆ​ယူႇ​ဢေႃႈ။ ထႃႇဝရႃႉ​ၽြႃး​ယင်း​ထၢပ်ႈ​ထႅင်ႈ​ပၼ်​ၵူၼ်း​ၸိူဝ်း​ဢၼ်​လႆႈ​တၢင်း​ဢၼ်​ၵႄႇၶျွတ်ႈ​ဢဝ်​ၼၼ်ႉ၊တီႈ​ၼႂ်း​ၸိူဝ်းၸဝ်ႈ​ၵူႈမိူဝ်ႈ​ၵူႈဝၼ်း​ယူႇ​ဢေႃႈ။

“‘ၽြႃးပဵၼ်ၸဝ်ႈ​လၢတ်ႈ​ဝႆႉ​လႄႈ​ဝႃႈ၊ ၼႂ်း​ၶိင်ႇၵႃႇလႃႉ​လိုၼ်းသုတ်း​ၼၼ်ႉ တၵ်း​လႆႈ​ပဵၼ်​မႃး​ၸမ်ႉ၊ ၵဝ်​တၵ်း​ပၼ်​ဝိၺိၺ်ႇ​ၵဝ်​ၵႃႈၼိူဝ် မဵဝ်း​ၵူၼ်း​ၵူႈမဵဝ်း​ဢေႃႈ။ လုၵ်ႈလၢင်း​သူ​တၵ်း​ဢဝ်​တင်း​ၺၢၼ်ႇ​ပရေႃးၽႅတ်ႈ​ႁေႃးလၢတ်ႈ​ဢေႃႈ။ ၵူၼ်းၼုမ်ႇ​ၵူၼ်း​ၵမ်​သူ​တၵ်း​လႆႈ​ႁၼ်​ၼိမိၵ်ႈ လၢၵ်ႈၶၼႃႇ​ဢေႃႈ။ ၵူၼ်းထဝ်ႈ​ၵူၼ်းၵႄႇ​သူ​ၵေႃႈ တၵ်း​လႆႈ​ၼွၼ်းၽၼ်ႁၼ်​ၼိမိၵ်ႈ​တင်းလၢႆ​ဢေႃႈ။

ၶဝ်​ၸိူဝ်း​ဢၼ်​ယုမ်ႇမၢတ်ႈ​တင်းသဵင်ႈတင်းလူင်​ၼၼ်ႉ​ၵေႃႈ၊ႁဵတ်း​မုၵ်ႉ​ႁဵတ်း​ၸိူဝ်း​ယူႇ​လူၺ်ႈ​ၵၼ်​ၶိူဝ်းၶိူဝ်း​လႄႈ ဢဝ်​ၶူဝ်းလဵင်း​ၵႃႈမီး​ႁူမ်ႈ​ၵၼ်​ၸၢႆႇ​မႅင်ႇ​ပၼ်​ၵၼ်​ယူႇ​ဢေႃႈ။- ၶဝ်​ၶၢႆ​ဢုၵ်ႉၸႃႇ​ၶူဝ်းလဵင်း​ဢၼ်​ၶဝ်​ပိူင်ႇ​ႁင်း​ၽႂ်​ႁင်း​မၼ်း​ၸိူဝ်း​ၼၼ်ႉ​လႄႈ​ဢဝ်​ငိုၼ်း​ၼၼ်ႉ​ၽႄမႅင်ႇ​ပၼ်​တီႈ​ၵၼ်​ၸွမ်း​ၵႃႈ​ၼင်ႇ​ဢၼ်​ၽႂ်​လူဝ်ႇ​ႁင်း​ၽႂ်​ႁင်း​မၼ်း​ၼၼ်ႉ​ဢေႃႈ။

မိူဝ်ႈ​ၼၼ်ႉ၊ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၵၢဝ်ႇႁႃ​ဢေႁႃ​ထႃႇဝရႃႉ​ၽြႃး၊ ပုၼ်ႈ​တၢင်း​ဢၼ်​တၵ်း​မႃႉၸႃႉ​ၸွႆႈထႅမ်​ၼၼ်ႉ၊ ၵေႃႉ​ၼၼ်ႉ​တၵ်း​လွတ်ႈ​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ​ယဝ်ႉ​ဢေႃႈ။

တႃဝၼ်း​တၵ်း​လပ်းသိင်ႇ​ၵႂႃႇ​ၽိတ်း​ၽိတ်း​လႄႈ၊ လိူၼ်​ၵေႃႈ​တၵ်း​လႅင်​ၸၢင်း​ႁၢင်း​ထၢၼ်ႈပေႃး​မိူၼ်​လိူတ်ႈ​ၵႂႃႇ၊ ၼႂ်း​ၸူဝ်ႈ​ဢၼ်​ဝၼ်း​ထွတ်ႈ​ဝၼ်း​မျၢတ်ႈ​လူင်​ထႃႇဝရႃႉ​ၽြႃး၊ဢမ်ႇ​ပႆ​ႁွတ်ႈမႃး​ၼၼ်ႉ​ဢေႃႈ။