Popular Bible Verses from Yoshua 6

Share

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Agho bakabona abo balifuuwayo endeka omukuzi mulala nga muleeyiriri, era bwe muliguwulira abasaadha bo boonaboona balireekaanira ghaigulu omukuzi mulala. Olwo ebimante ebyezungulwire ekibuga byagwa byonabyona ku itaka. Olwo abasaadha bo bangira mu kibuga okuva buli muntu gh'aliba ng'ali.”

Iwe n'abasaadha bo boonaboona abasobola okulwana mwidha kukyezungululanga omukuzi mulala buli lunaku, okumala enaku mukaaga.

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Mu kiseera ekyo emiryango egingira mu kibuga Yeriko baali baagiigala begulugulu okulobera Abaisiraeli okwingira. Ng'ezira muntu afulumamu oba angiramu.

Era ku mukuzi ogwomusanvu, bakabona bwe baafuuwa endeka, Yoshua yaalagira abantu ati: “Muleekaane! Kuba Musengwa Katonda abaghaire ekibuga kino.

Era mukizikirize n'ebikirimu byonabyona, kibe ng'ekigheebwayo eri Musengwa Katonda. Okutoolaku Rahabu malaaya, ni boonaboona b'ali nabo mu ndhu ye, abo n'abali n'okulekebwa nga balamu, kuba yakweka mu ndhu ye abakwenda be twatuma.