Popular Bible Verses from 1 Korinto 1

Share

Meneng pinemallì te Timanem se menge otaw wedad kebiyasa dini te keneyonan amon meyàyà se otaw eg-aneng-aneng te dakel se kebiyasa dan. Pinemallì din heman se menge otaw wedad dengeg amon meyàyà se otaw nedengeg.

Pengkey eg-aneng-aneng se otaw kenà egpemenal te wedad ontong te kebenalan ipegtoladà ko tepad te pegkematay i Cristo doton te kros, meneng sikitadon egpemenal se netaga-taga te egpelowà den se Timanem te otaw lekat te salà pineokit te pegkematay i Cristo.

Pengkey lindoan te otaw se kebiyasa te Timanem, meneng yan se ontò pa melangkaw diyà te kebiyasa te otaw. Pengkey mikagi dan te melomay se Timanem, meneng ontò pa sikandin magsen diyà te kagsen te otaw.

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

Menge kedowa ko te pegpemenal, seini se ipunù ko kenyo so insogò a te Pengolo tadon si Jesu Cristo. Pegsebad kaw den amon wedad megpedindilay kidoen kenyo. Pegsebad kaw te aneng-aneng aw pedowan.

Wedad den detengan te kebiyasa te otaw eg-ikagi te biyasa dan, aw otaw egtoladà te punù ingkeliwat i Moises, aw otaw teleglawong, so impetaga-taga den te Timanem te kolang pa se kebiyasa te otaw dini te keneyonan.