Popular Bible Verses from 1 Korinto 2

Share

So doen kagi te Timanem insolat, “Doen integilan te Timanem ibegay din diyà te kedita te otaw dakel se pedowan dan kandin, aw labi pa iyan mèpiya diyà te pengkey eden se dinineg tadon, aw kinità tadon, aw neeneng-enengan tadon.”

Meneng se otaw kenà egbeyà-beyaan te Espiritu Santo, yan se otaw eked pekekinawà te ibegay te Espiritu Santo, so aneng-aneng din wedad ontong niyan. Eked din iyan kelebeti, so kelebetan iyan olò aw tebangan kidon te Espiritu Santo.

Kedengan, wedà petega-tegahi te Timanem se integilan din kenitadon, meneng impetaga-taga din den iyan kenitadon pineokit te Espiritu Santo, so netegahan te Espiritu Santo se kedita te aneng-aneng te Timanem pengkey medalem.

Sikitadon egpemenal se binegayan te kebiyasa kenà iling te kebiyasa te otaw dini te keneyonan, meneng Espiritu Santo se imbegay din kenitadon, amon ketegahan tadon se kedita te imbegay din kenitadon.

Pegtoladà ko kenyo te kagi te Timanem, nemenal kaw kanak kenà tandà te kebiyasa te kagi ko, meneng nemenal kaw so kinità niyo se tabang te Espiritu Santo kanak. Yan nemenal kaw ki Jesu Cristo, kenà lekat te kebiyasa te otaw, meneng lekat te eneg te Timanem.