Popular Bible Verses from Roma 16

Share

Timanem se egpemegay te kelinaw te pedowan, aw sikandin se mekedaeg ki Satanas te eked kenamay amon wedad mebatog din inangen diyà kenyo. Ibeg ko, tebangan kaw te Pengolo tadon si Jesu Cristo.

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

Kenà dan egtolò te Pengolo tadon si Cristo, meneng egtaking dan te ibeg te kandan pedowan. Pineokit te mèpiya kagi dan, eg-akal dan te menge otaw wedà ketaga-taga te kebenalan.

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii. Meneng yan se kebenalan impetaga-taga den pineokit te insolat te menge telekeliwat te kagi te Timanem gebii. Simogò se Timanem wedad temanan te ipetaga-taga iyan diyà te kedita te otaw amon somalig dan diyà ki Cristo aw tomolò dan heman kandin. Timanem olò se netaga-taga te kedita. Iduyun sikandin te wedad temanan pineokit ki Jesu Cristo. Metoman iyan.