Popular Bible Verses from Ñwaè' Fileèpaêi 4

Share

Wèe fa bu' ka'. Yuu yi ka' buu wèe, wèe loo yi ese Nyʉ̀ ker yoŋshi ye àtu mo.

Wèe à ka' gee wa'a, Nyʉ̀ fa wèe rfʉtè ce li càa bfee ŋwɛ̀, ba rfʉtè ce li be ba njep wěe mntee ba njep wěe mkwà'shì njobè' wèe yu àbee wèe Jisos Krǎis wèe.

Banɛ à rmìsì, bfʉr wâ, wèe ce kwa'shi àmbò buu wɛɛwɛ ce vi yu bbòŋboŋ, a ghɛɛte à buu ce àde' bèe a nɛsì. Buu anà yu buu ce vi yu mini, buu ce vi yu nè fòo-ŋwɛ̀, ce vi yu kùyɛɛ a ba brara, buu ce àde' bèe a kôŋ, buu ce vi ce kè' bbòŋboŋ.

Àde' m gee buu wɛɛwɛ, ce ŋwɛ̀ ce e ke fa mɛ̀ ŋger à ka' tɛɛ mbe mɛ̌ njì.

Wèe ce lu'shi nfè' sìp njobè' wèe yu wèe Tata wèe; m ker ce làa mɛnɛ wèe lu'shi.

Nyʉ̀ ce e tʉr ku' buu bbòŋboŋ be fa wèe buu wɛɛwɛ ce wèe buu. E be càasi buu anà mbe bo Jisos Krâis.

Gèe nè buu wɛɛwɛ ce wèe à yɛ'ni ese mɛ̀, a koo ese mɛ̀, a yu' ese mɛ̀, a ker yɛ ese mɛ̀ tɛ Nyʉ̀ ce e yu ŋwɛ̀ cumʉnyaŋ bo ba wèe wowèe.

Wèe gee buu wɛɛwɛ à nduunjì ce ŋwɛ̀ wɛɛwɛ bo yɛ enɛ wèe yu nè rbornì-ŋwɛ̀. Kuushi nè enɛ nfè' mʉcàr tɛ Tata vʉ̂.

Mɛ̀ rìŋ yuu ce m gee à nfè' ce buu vi gha' mɛ̀, a riŋ yuu ce m gee à nfè' ce mɛ̀ tʉr buu gòr. Mɛ̀ lɛɛte à buu anà wɛɛwɛ, a tami nyor, ka' à se'kɛ, kɛ̀ mɛ̀ ye ɛ̀, kɛ̀ mɛ̀ ye ka' ɛ̀; kɛ̀ mɛ̀ tʉr ɛ̀, kɛ̀ mɛ̀ tʉr ka' ɛ̀!

Ke' ba enɛ m ce làa njobè' yuu mo' yi buu mɛ̀ ka'; mɛ̀ lɛɛte à rcu, mʉ yì ce mɛ̀ tʉr yi ghɛɛtè mɛ̀.