Popular Bible Verses from Ñwaè' Koèlosïì 1

Share

E fʉr sèe efa tʉ̀'njì, a lor sèe a lɛ ba à dì' ce muu yì ce e kòŋ se nà ce sa' àmbò ŋkʉʉ.

Nyʉ̀ à m gèe buu wɛɛwɛ njì enjep ye, kɛ̀ yu buu embe bùu ɛ̀, kɛ̀ yu vì enjep ŋgòŋ ɛ̀, kɛ̀ yu buu ce àde' bèe a yɛ ɛ̀, kɛ̀ yu buu ce àde' bèe a yɛ ka' ɛ̀, buu ca wɛɛwɛ yu àgho njo' Jisos Krâis. Ka' byʉ' njɛ̀ɛ jɛɛ jɛ̀ɛ jɛɛ ce vi tʉr ŋger ɛ̀, Nyʉ̀ à m gèe buu ca wɛɛwɛ nè muu yì, njì enjep muu yì anà.

À m ba à nfè' ce yuu mo' yi m be ba ka', muu anà à ku ba. Buu wɛɛwɛ yu àmbò vi ba ba njo' ye.

Ŋwɛ̀ mò' à m be yɛ Nyʉ̀ nè mmir ka'. Muu yì ce bèe a yɛ nè mmir, a ŋwɛ̀ ce e gèe sèe à riŋ njɛ̀ɛ ŋwɛ̀ ce Nyʉ̀ yu. E yu entòmbì nè buu wɛɛwɛ ce Nyʉ̀ à m gèe.

A mbùu ce kɛ̌' à nòŋ ce wèr à m yu' buu ca, wèr à be borni efa rloo nè wèe à nfè' mò' ka'. Wèr ce loo nè Nyʉ̀ enɛ e gee tɛ wèe koni bfee ce vi lò ese yi Yʉ', rìŋ buu ce yu vi wɛɛwɛ, tɛ wèe bo rìŋ buu ce e kòŋ bòŋboŋ. Wèe à ka' riŋ wa'a, banɛ wèe be tʉr ndèe ce bèe Tata Jisòs a ba tʉr, gèe ŋgěe bòŋboŋ à mnduunjì jɛɛ jɛ̀ɛ jɛɛ, kèr rìŋ buu ce yu vi Nyʉ̀ gòr.