Popular Bible Verses from Ñwaè' Hibruès 6

Share

Àmbò sèe à rìŋ seenɛ Nyʉ̀ e ke kupse mi mkà'ni ka' nà, àde' visèe mntee vi ker bu' ka'. Banɛ sèe à tii ndàŋ a niŋ mbe dǐ' rara embe Ndàp Nyʉ̀.

Nyʉ̀ e ke gèe buu à njǐ yɛɛnì. E be mà' wèe ka'. E be lèse rfà' ce wèe à gèe, kɛ̀ lèse njɛ̀ɛ rjà' ce wèe à m jà' yì bèe a ku bii jà' nà ka'. Wèe à m jà' wowèe njobè' wèe kòŋ Nyʉ̀.

Yi ka' ba wa'a, buu bbaa vi yu ce àde' vi kupsè ka' njobè' àde' Nyʉ̀ laa wa'a nya' ba mnde' ka'. Buu bbaa anà a buu ce vi ce fa sèe ŋger tɛ sèe ce sèe à caŋ a sʉni njeptii Nyʉ̀ sèe bo rìŋ nè mini-ŋwɛ̀ enɛ sèe be koni buu ce Nyʉ̀ à kà' nè sèe.

Banɛ sèe yɛ'ni riŋ buu btatap ce vi yu àmbò Jisos Krǎis tɛ sèe bo ba bleebèe à buu Nyʉ̀. Sèe fa kù cu ba à ryɛ'nì ce a m kɛ̀' a yɛ'ni sèe nà ka'. Sèe à yɛ'ni a riŋ wɛɛ enɛ bèe a ba kupse, borni efa rgèe buu ce àde' vi vʉ nè rkwe, byemi ba nè Nyʉ̀.