Popular Bible Verses from Ñwaè' Hibruès 5

Share

Ŋwɛ̀ ce àde' e ye yuu yu ba nleeŋwɛ̀. A ŋwɛ̀ ce e yɛ'ni, a lɛɛte a riŋ yuu bòŋboŋ ba yuu bebep.

Wèe à yɛ'ni a riŋ buu sê, nfè' à ka' ghɛɛ ce wèe à ba yɛ'ni bèe mo' foŋ, wèr à yɛ wernɛ ŋwɛ̀ mò' à ba kèr yɛ'ni wèe buu Nyʉ̀ ce wèe à m rìŋ efa rkɛ̀' nà. Wèe ku bii nyoŋ ba mmbee, ce wèe à ba ghɛɛte à rye ba buu. Ŋwɛ̀ ce e ka' ce nyoŋ ba mmbee, banɛ ŋgàŋ ku bii munte, a be lɛɛte à ryɛ'nì ce li yu àmbò àde' ŋwɛ̀ ba yɛɛnì à bsii Nyʉ̀ ka'.

Ka' e m ba muu Nyʉ̀ wa'a, e m rìŋ àmbò àde' e yu'nì nè Nyʉ̀ ba njo' ŋgɛ' ce e m lò a yɛ. Nyʉ̀ à m gèe ye e ba yɛɛnì sê, a ba sè'ni na ba ŋwɛ̀ ce e ce fa ryòŋ ce nfesè nè bèe ce a ce yu'ni nè ye.

Jisòs à m loo nè Nyʉ̀ à nfè' ce e m ba njep ŋgòŋ na. E m loo wa'a a ce warŋger a ce sùusi mŋgoommir. E m loo nè Nyʉ̀ njobè' Nyʉ̀ à m tʉr ŋger à rjà' ye efa rkwe. Nyʉ̀ à m yu' li rloo njobè' e m ce loo nè ryu'nì-ŋwɛ̀.