Popular Bible Verses from Ñwaè' Hibruès 2

Share

E ghɛɛte à rjà' bèe ce rmòoshì li vʉ̀ nè wowèe njobè' rmòoshì li m vʉ̀ nè ye ye, e riŋ ŋgɛ' efa rmòoshì foŋ.

Boo vi anà ku ba bèe ce a tʉr lɛɛ foŋ. Jisòs ye ye à m vʉ̀ a ku ba ŋwɛ̀ àmbò wowèe tɛ e bo kwe, bepsi ŋger Satàn, njobè' Satàn a ŋwɛ̀ ce e tʉr ŋger à rvʉ̀ nè rkwe mbendù bèe.

Àmbò sèe rìŋ buu ca wa'a, banɛ sèe à ba lòr blàa ce sèe à yu' àmbò ye na tatap sê, fà dì' sèe lo fʉʉ enjo ka'.

Yi m ba yɛɛnì enɛ e beeŋger ba àmbò bfʉr vi à mnduunjì wɛɛwɛ, tɛ e bo ba tu nè ŋgǎa taŋshi taŋshì ce e be fà' nè Nyʉ̀ nè mini-ŋwɛ̀, koosimnse nè bèe, tɛ e bo maa yàp buu bbebep.

Ka' àmbò wèr à yɛ ŋwɛ̀ ka' na, wèr à yɛ Jisòs. À m ba à mʉ nfè' mò' Nyʉ̀ à gee nta' Jisòs yi sɛtè embe nta' bcìndap Nyʉ̀. À ka' ba njobè' ŋgɛ' ce Jisòs à m yɛ, a kwe, Nyʉ̀ à lo a fa ye nta' kʉʉ, a gee enɛ bèe a yu'ni nè ye. À ka' ba njobè' Nyʉ̀ à m tʉr ntee bòŋboŋ, yi ba enɛ Jisòs à kwe àtu bèe wɛɛwɛ.