Popular Bible Verses from Ñwaè' Hibruès 1

Share

Fòo Nyʉ̀ yi ce yɛɛti ba njì enjep muu yì, sèe à riŋ njɛ̀ɛ ŋwɛ̀ ce Nyʉ̀ yu ba njì enjep ye, njobè' e ku ba àmbò Nyʉ̀ yu. Muu yì ca ce lòr vi blàa ce vi tʉr ŋger sê, a ce gèe ŋgòŋ ca yi ku bii àgho. E m lòr yì nyor a gee taŋshì àgho tɛ e bo gèe tɛ Nyʉ̀ foosi sèe efa yìsèe buu bbebep. E ka' gèe wa'a, a ko' mbe bùu, a cu à bo mà' Nyʉ̀ ce yi kʉʉ yi tɛɛ kùntombì.

À m ba elǔuŋgòŋ, Nyʉ̀ à laa nè visèe bta nfè' àŋgoo à mnduunjì jɛɛ jɛ̀ɛ jɛɛ. E m làa njì enjep bèe ce a m ce cep yi ntuu nè bèe. À ka' ba à nfè' e sè'ni ce yu ba mnòŋ elʉ̀simbùu, Nyʉ̀ à laa nè sèe njì enjep muu yì. Nyʉ̀ à m gèe ŋgòŋ ca wɛɛwɛ ba njì enjep muu yì anà. Nyʉ̀ à m ce ye tɛ e bo fa buu wɛɛwɛ mba yě mmbò.

Banɛ bcìndap Nyʉ̀ ku ba ba byʉ' ce vi ke gèe rfà' nè Nyʉ̀. E ke tuu vi enɛ vi du ja' bèe ce e be gèe tɛ wowèe a lûŋ.

E ker laa enɛ̂, “Wɛ̌ Tatâ, à m ba efa rkɛ̀', wɛ̀ gee ŋgòŋ ba buu embe bùu wɛɛwɛ nè mo mmbo. Buu ca vi be kè bʉ tɛ à ku cu nfesè. Vi be kʉti brʉ̀ʉ àmbò bcɛ̀' wa'a.