Popular Bible Verses from Ñwaè' Timotïì Ce Embenjïì 1

Share

M ce làa wa'a njobè' Nyʉ̀ à fa sèe ba yʉ' ce yi gèe sèe ce wɛp buu ka', e fa sèe ba yʉ' ce yi gèe sèe tʉr ŋger ba ntee rkòŋnì ker ba ntee ce àtà yi gee sèe tʉr ŋger mbendù yìsèe nyor.

E gèe sèe à lûŋ, a kɛ' sèe enɛ sèe cu rcu rrara, à ke' ba njo' rfà' mo' ce sèe à gèe nè ye ka'. E m kɛ' sèe ba àmbò e m lɛ̀ enɛ yi ba, ker ba njobè' Jisos Krâis. E m kwà'shi buu ca tɛ ŋgòŋ yi ka' kè ba.

A mbùu ce m ce kuushi wɛ̀ enɛ à yɛɛsi bfee rfà' ce Nyʉ̀ à m fa nè wɛ̀ à nòŋ ce mɛ̀ m la' mmbo mbe wɛ̌ tù nà.

Banɛ à fa koosi rìtu à rsuŋ bèe àmbò yìsèe Tata Jisòs, kɛ̀ koosi rìtu njo' mɛ̀ ce m yu mbe shaŋ njo' ye ka'. Yɛ ŋgɛ' njo' Nsuŋ Mbòŋmboŋ à ŋger Nyʉ̀.

M ce yɛ ŋgɛ' njo' Nsuŋ Mbòŋmboŋ ca, a ka' ce yɛ wa'a, a ce koosi rìtu ka' njobè' m rìŋ ŋwɛ̀ ce mɛ̀ byemi nè ye, a riŋ mɛnɛ e be kupshi mfà' ce e fa mba mɛ̌ mmbò nà lɛ̀ dù bà' nòŋ ce Jisòs be vʉ̀.