Popular Bible Verses from Ñwaè' Timotïì Ce Entombïì 6

Share

Caŋ mcaŋnǐ mbòŋmboŋ ce à rbyemì, so ryòŋ ce nfesè ce Nyʉ̀ à m kɛ' wɛ̀ enɛ à bo koni. Nyʉ̀ à m kɛ' wɛ̀ enɛ à bo koni njɛ̀ɛ ryòŋ ca, wɛ̀ konì li nyʉ̀ ce wɛ̀ m làa à mʉ̀ bèe enɛ wɛ̀ byemi, Nyʉ̀ à yu' rbòŋ nà.

Broŋ mbàa yu mŋgàŋ efa buu bbebep wɛɛwɛ. Bèe mo' a kòŋ à rtʉr mbàa sê, a ka' ce kòŋ wa'a, a da' njì rbyemì, a ce seŋ ba buu, wap ntee vi ce fa wowèe ŋgɛ'.

Geewa'a, ŋwɛ̀ à ka' ce cu rcu ce Nyʉ̀ kòŋ, yuu ce e tʉr yi ghɛɛtè ye, banɛ ŋgàŋ à koni sɛ' sê.

Sèe à m ce vʉ̀ njep ŋgòŋ na, a tʉr yuu mo' ka'. Sèe be kè ce dù tɛ sèe lor yuu mo' enjo ka'.

Làa nè bèe ce a kù' à buu enjep ŋgòŋ na enɛ wowèe a fa nàa tu kɛ̀ lɛ̀ mmir mbendù bkù' ka', njobè' ŋwɛ̀ mò' rìŋ àyàŋsè ka'. Làa nè wowèe enɛ wowèe a lɛ map mmir ba mbendù Nyʉ̀ ce e yu mmbo mntoo a ce fa sèe buu wɛɛwɛ tɛ sèe bo yu' rbòŋ àgho.

Bèe ce a kòŋ à rkù' à buu a lo gwe rmòoshì, kwe à taa. Taa ce wowèe a lò kwe àgho na, yu ba buu ce wowèe a kòŋ nè blʉr-ŋwɛ̀, ŋgɛ' à ba njo. Buu ce wowèe a kòŋ nè blʉr-ŋwɛ̀ na yu buu ce vi ke sùusi bèe njep nshè, bepsi wowèe dʉ̀dʉ̀.

Làa nè wowèe enɛ wowèe a gee buu bbòŋboŋ, ku' à mfǎ' mmbòŋmboŋ, ba mmbo mntoo, koŋ foŋ à rgàp yàp buu a bèe mo' wèe. Wowèe a ka' gee wa'a tɛ yi bo ba enɛ wowèe a kupshi buu ce vi be jà' wowèe à nfè' ce e bii ka' vʉ̀ nà, a lɛ bòŋboŋ, tɛ wowèe a bo so ryòŋ ce yu ryǒŋ mini.