Popular Bible Verses from Ñwaè' Táèsaèlonikaè Ce Entombïì 4

Share

tɛ sèe ce sèe cu btèe a ba' à nfè' anà, ka' tarshi nyor sèe wowèe mbe mʉ̀ mmbà', dù koni Tata mbekì tɛ sèe wowèe cu nfesè.

Tata be kè sùu embe bùu, tɛ bèe a yu' ma njèndoŋ àmbò e waa, tɛ ncìndap Nyʉ̌ ŋgòr waa foŋ, tɛ rsòŋ Nyʉ̀ li lâa. Be kè ba à nfè' anà tɛ bèe ce a m byemi nè Jisos Krǎis a ka' kweŋger, a fʉʉ efa rkwe wɛɛ

Yuu ce Nyʉ̀ ce kòŋ ese wèe yi yu enɛ wèe cu ba njɛ̀ɛ rcu ce li ce dùŋshi enɛ wèe à fa wee mntee nè Nyʉ̀. Wèe fa ba ŋgǎa mkɛ'ni ka'. Ŋwɛ̀ wɛɛwɛ efa wěe mʉ cep yi tu tɛ e bo gèe ba yuu ce Nyʉ̀ kòŋ enɛ e gee nè yì nyor, à ba yuu ce bèe wɛɛwɛ a ce yu' rbòŋ àgho.

Àmbò sèe à byemi enɛ Jisòs à m kwe a fʉʉ efa rkwe, sèe à byemi foŋ enɛ e ba à nfè' ce e vʉ̀, tɛ Nyʉ̀ fʉr bèe wɛɛwɛ ce a m byemi nè Jisòs nà efa rkwe, àmbò e fʉr Jisòs efa rkwe nà.

Ghèter nè cu ba rcu ce li yu yɛɛnì. Ŋwɛ̀ fa ce fʉ̀ʉshi cùu à buu bèe mò' ka'. Ŋwɛ̀ wɛɛwɛ ce fa' yuu ce yi be jà' ye. Wèr à m suŋ wèe wɛɛ enɛ wèe gee wa'a.

Nyʉ̀ à m kɛ' sèe tɛ sèe bo ce gèe ba njɛ̀ɛ ŋgěe bebep ca ka'. E m kɛ' sèe tɛ sèe bo cu ba rcu rrara.