Popular Bible Verses from Ñwaè' Táèsaèlonikaè Ce Entombïì 5

Share

Lu'shi nè à nfè' wɛɛwɛ, loo nè nè Nyʉ̀ à nfè' wɛɛwɛ, yoŋshi nè Nyʉ̀ à buu wɛɛwɛ ce vi ka' koni wèe. Buu ca a buu ce Nyʉ̀ ce kòŋ enɛ bèe ce a ce dù àmbùu Jisos Krǎis a gêe.

Nyʉ̀ ce e ke fa sèe cumʉnyaŋ, gee tɛ wèe cu rcu rrara, tʉr fàa koo mʉcàr ka', ker gee tɛ fàa ba à yuu ce wèe ce gèe kɛ̀ à yuu ce wèe ce kwà'shi ka', kù ba bbòŋboŋ à buu wɛɛwɛ du ba' à nfè' ce Tata Jisos Krǎis be vʉ̀. Nyʉ̀ ce e kɛ' wèe, yu ŋwɛ̌ mini. E be gèe tɛ yi ba wa'a.

Yɛ nè enɛ ŋwɛ̀ fa kʉsi yuu bebep nè yuu bebep ka'. Ghèter nè à rgèe ba buu bbòŋboŋ. Gèe nè buu bbòŋboŋ ca nè ŋwɛ̀ wɛɛwɛ ce e yu a wěe mʉ ker ba bèe enjepmbè foŋ.

Àmbò wèe à rìŋ buu ca wɛɛ na, wèe ku ce gee bòŋboŋ àmbò wèe ce gèe nà. Ŋwɛ̀ wɛɛwɛ efa wěe mʉ fa ŋger nè nfʉr mò', ja' nfʉr mò' tɛ e tɛɛ tatap.

Bfʉr wâ, wèr ce làa nè wèe enɛ wèe fa ncep nè bèe ce a yu bbor, fa ŋger nè bèe ce wap mntee vi ce bu', ja' bèe ce a sɛ̀, tʉr ntee bòŋboŋ nè ŋwɛ̀ wɛɛwɛ.

Nyʉ̀ à m ce sèe tɛ e bo mà' ŋgɛ' mbe sěe ndù ka'. E m ce sèe enɛ sèe bo koni rlùŋ njì enjep Tata Jisos Krâis

Wèe yu bèe ce wèe ce cu ba à rraa, a ker ba àmbò bèe ce a ce jɛ̀r ba nèmootì. Sèe yu bèe ce sèe ce cu ba à tʉ̀'nji ka'. Sèe tʉr yuu mo' à rgèe nè tʉ̀'nji ka'.