Popular Bible Verses from Nhelo 13

Share

Yalinguwa hamwe na wawele na luhala kangupataga luhala, ila yalingilumba na wapoka kolumila.

Yalinguudima mlomo wa heye kangwamilaga kikala kwa heye, yalinguhabuka kangiyambuzila yuye kudumigwa.

Yohambe yamzape mwanage kwa makanyo hambe yamgane, ila yalingumgana mwanage kangumkanyaga kung'hali.

Kitumbila kwa kubeteza ng'hatu kwangulumiza nhumbula, ila kitumbila kwenele kwangigalaga kusangalala.

Kutanganika kwanguwamilaga wagoloche nhumbula, ila gehile ganguwagwisaga wehile.

Lufufu lwa himahima lwangwajililaga, ila yalingukungajiza hadohado kolwonjeza.

Kidaya kwangwambuzaga kilewa hela, ila walingukunda ulonzi unojile wana luhala.

Munhu yanojile kanguwalechelaga uhalizi walelwa wa heye, ila lufufu lwa yawele na gehile nawawichilwa watanganiche.

Mwana yawele na luhala kanguhulichizaga malajizo ga mhaza wa heye, ila yalingubeza hambe yahulichize makanyo.

Uzunwa na kudeula vyangumpataga yalingugabeza malanguso, ila yalinguhulika makanyo kanguhulichizwaga.