Popular Bible Verses from Aroma 1

Share

Nĩndĩhokeete o biũ Ũhoro ũrĩa Mwega; amu nĩguo hinya wa Ngai wa kũhonokia arĩa oothe meetĩkĩĩtie, Ayahudi o na andũ a Ndũũrĩrĩ.

Nĩ ũndũ Ũhoro Mwega nĩwonanĩĩtie ũrĩa Ngai areehage ũiguano gatagatĩ gaake na andũ, na nĩ ũndũ wa wĩtĩkio kuuma kĩambĩrĩria nginya kĩrĩĩkĩro, o ta ũrĩa kwandĩkĩĩtwo atĩrĩ, “Mũndũ ũrĩa ũiguithanĩĩtio egũtũũra muoyo nĩ ũndũ wa gwĩtĩkia.”

Kuuma o rĩrĩa thĩ yombirwo mũhianĩre wake ũrĩa ũtoonekaga, na nĩguo hinya wake mũnene ũrĩa ũtathiraga o na ũngai wake, nĩcionanĩĩtio wega thĩinĩ wa indo iria oombire. Nĩ ũndũ ũcio gũtirĩ mũndũ wĩ na kĩĩgwatio!

O na gũtuĩka nĩmooĩ Ngai, matimũheaga gĩtĩĩo kĩrĩa aagĩrĩirwo nĩkũheeo, kana makamũcookeria ngaatho. Handũ ha gwĩka ũguo-rĩ, gwĩciiria na gwĩcũũrania kwao gũtuĩkĩĩte gwa tũhũ, nacio ngoro ciao ikaiyũra nduma.

Makũũranagia ũhoro wa ma wa Ngai na maheeni; mathaathayagia na magatungata indo iria Ngai oombire handũ ha mũciũmbi we mwene, ũrĩa wagĩrĩirwo nĩkũgoocagwo nginya tene na tene! Ameni!

Maraakara ma Ngai nĩmaguũrie kuuma igũrũ mookĩrĩre wĩhia wothe na waganu wa andũ arĩa mĩtugo yao mĩũru ĩgiragia ũhoro wa ma ũmenyeke.

Kwoguo Ngai nĩamatiganĩirie meekage ciĩko cia ũũra thoni. Atumia aao magarũraga mĩtugo ya ndũire ũhoroinĩ wao wa gũkoma na athuuri aao, mageekaga maũndũ matarĩ ma ndũire. O nao arũme matigaga mĩtugo yao ya ndũire ũhoroinĩ wao wa gũkoma na atumia aao makahĩahĩaga gũkomania o eene. Arũme meekaga maũndũ ma ũũra thoni, mũndũ na ũrĩa ũngĩ naguo waganu ũcio ũkamareehere iherithia rĩrĩa rĩmaagĩrĩire nĩ ũndũ wa kwagana ta ũguo. Ngai nĩarekereirie andũ acio meciiriainĩ mooru na mĩtugoinĩ mĩũru tondũ matiendaga kũmũmenya.

Meĩraga atĩ nĩ oogĩ no matuĩkĩĩte o irimũ, na handũ ha gũthaathaiya Ngai ũrĩa mũtũũra muoyo, mathaathayagia mĩhianano ĩthondekeetwo ĩhaana andũ arĩa makuaga, kana nyoni, kana nyamũ cia magũrũ mana, o na kana nyamũ iria itambaga.