Popular Bible Verses from Ephesians 4

Share

Edo wasiri bebegae awawa atae ari edo ari ewagaewa mina ara ise embo nenei da wasiri bebegae awa kotembedo mina doa ewo teta God mi ingoda wasiri bebegae kotembedo doturisira awodo.

Edo God mi ingo rawodo atawase sira emboro awodo awa ingo atadewa. Jariga embobo awodo eove. Kera sapo mina ara ewo. Embo nenei ingo biae adera awa mina itove. Edo ingo kondade mina ara adewa awa embo mi ingo dubo mina bara ewa awa gadera.

Edo ingo embo nenei da yei ge sise gido ge bebegae awa jingama eove ta ge ewagaewa awa jingama ewo amimi ungo kondade ari ungo jo jamo jamo ari bore. Edo ge ingo sadewa amimi embo ingoda ge ingera ainda yei ewamei are.

Tini gambari edo wasiri bebegae adi dipapa ari ge bagari edo ge bebegae embo da jawo da sari kotari bebegae embo nenei da yei ari edo wasiri bebegae berari awa dowo atae are.

Iji dada ingo tini gambari adewa te burigi doio amimi ari ingo wasiri biae eove. Edo Satan mi ari ingo wasiri biae adi emboro pirigeove.

Edo ingo Keriso da ge awa ingewa edo ingo ge moka be uso jawo da awa ingewa awasedo ingoda jo da kotari bebegae awa pigewo. Edo jo da kotari bebegae amimi euri ingo wasiri bebegae ise atima isewa. Edo ingoda jo da kotari bebegae amimi sasainbedo ingoda tamo de asisi de awa usibesi ira. God da yei sedo giwo jo seka de jiro seka de itare. Edo ingo bosini seka burise mamatu wawara edo ewa da awodo kotari seka God mi ititira awa burise mamatu awa wawara ewo. Edo kotari seka badewa amone teta God da kotari inge ra. Edo ingo awa budo wasiri seka da atirowo embo mi isaga be gadera.

Edo God da Asisi Ewamei be mi ingoda jo jamo jamo ari itiri ingo embo da edo kotari da ave. Edo awodo awa atadi ewo.

Edo Keriso umo umosuka embo da yei kando awa ititisira. Embo nenei awa unemi Iesu da binga atopapotegari embobo orase ititisira. Edo embo nenei awa God da binga sari embobo orase ititisira edo embo nenei awa binga ewamei minonu sari embobo ititisira edo embo nenei awa Iesu gebe ari embobo awa simba ari embobo orase ititisira edo embo nenei awa atopapotegari embobo orase ititisira. Edo God da embobo mi God da buro adi sia orase sedo God embobo eiawa ititisira. Edo umo Iesu gebe ari embobo awa Keriso da tamo isira awa uso dombu da jo goroba de derorase. Awasedo ingodenaso jiro gari God da mei da yei edo ingodenaso tumonda ari awa babojirari ingode buro dada adera. Edo ingodena awa embo be wasiri biae ae teta Keriso inge adera.

Edo ge bubusegari embobo da atopatari awa teta bisara goroba de sumbudo euri ewa nembogambo edo ira da awodo ra. Edo ewa awa nembogamo edo amimi kinapeina piguri vitido wosedo edo era. Edo ingodena awa embo be edo kinapeina oro ewa nembogambo mi pigari yima puma ari awa atae adera. Edo ge bubusegari embobo da embo gandubari mi euri embo ungoda atopatari bebegae awa budo era. Awarate ingode atopapotegari awodo awa mana adera. Ingode dubo bari de God da ge moka be awa sise iji jaige teta Iesu Keriso da awodo orase.