Popular Bible Verses from Ephesians 5

Share

Ingo awa God da kinapeina na awasedo ingo edo gido God edo ira da awodo adewa. Edo Keriso ingodena dubo burisira da awodo ingo iji berari embo nenei dubo buwo. Edo Keriso umo umosuka betadi etiri ungo mi teta rorou God da yei itarago isera. Edo God rorou muno ewamei de awa gido iaviri isira.

Edo ingodena awa iji biae da atera awasedo atise gido gogowo ise atiwo. Edo teta embo jiro ae mi atarago eove ta jiro gari embobo edo atiwo. Edo iji dada ari ewagaewa ari iji iso yei bugadira awa ewamei eio.

Gaegae edo umo okain indari embobo eove edo umo okain indove ainda be awa umo okain indadewa amimi ingo ari usibesi adewa. Awarate God da yei sedo giwo God da Asisi Ewamei Be mi ingoda jo awa sirare. Edo ingo God da ge da ya de ya ewagaewa de ge ewagaewa de mi ge mina sara ewo. Edo ingo God da yei ge sise edo ya ewagaewa sise re iji berari ingoda jo berari mi God jasiga ewo. Edo ingoda yei ro adira awa ingo Mamo God da yei edo Bada Iesu Keriso da jawo da awodo doio sewo.

Edo awasedo jiro bebegae embobo awodo eove ta iji berari God ingo ro awase sira awa gosise atiwo.

Ingo iubono ingoda aro asini dubo buwo teta Keriso mi Iesu gebe ari embobo dubo budo ungo embo bebetisira awodo.

Edo matu ingo wasiri bebegae ise umenga da atima isewa awarate boroko ingo awa God da embobo edo usasa da atewa awasedo wasiri embo usasa da atima era ainda awa ewo.

Ingo awa saboa ari mi Keriso sapo ewa da awodo saboa ari mi sapo mina ara ewo.

Edo ingo aro asini saboa ari mi ingoda iubono sapo ewo teta ingo Keriso sapo edo ewa da awodo.

Awara na ro setena amone eire ingo iubono saboa ari mi ingoda aro asini sapo ewo teta ingo saboa ari mi ingosuka sapo edo ewa da awodo. Edo ingo aro asini ingoda iubono awa saboa ari mi sapo ewo.

Edo jiwari mi sira, “Embo de evetu de awa dada orase sedo embo uso ai de mamo de awa dodo ira.”

Edo embo wasiri bebegae umenga da atise edo era ainde da atise kiki dirise atove ta embo mi wasiri biae awa gorase re isaga ewo.