Popular Bible Verses from وحی 13

Share

حئکمت بورادیر. قوی فهئم آدام جاناوارا عایید سایی حسابلاسین، چونکی بو، بئر ائنسانین سایی‌دیر. اونون سایی، آلتی یوز آلتمیش آلتی‌دیر.

بوتون یر اوزونده ساکئن اولانلار اونو پرستئش اده‌جکلر، هر کس کی، آدی دونیانین بئناسیندان بری، قوربان اولموش قوزونون حیات کئتابیندا یازیلماییب.

و او باعئث اولور کی، کئچئکدن بؤیوکه، وارلیدان یوخسولا، آزاددان قولا قدر، هر کسئن صاغ اَل یا دا آلنینا نئشان وورولسون. بو نئشانا، یعنی جاناوارین آدینا، یا دا آدینا عایید سایی‌یا عایید اولمایان کئمسه‌یه آلیش‌-‌‌ورئش اِتمک مومکون اولمایاجاق.

اگر کئمسه اسئرلئیه موقدّردئر، اسئرلئیه گدئر. اگر کئمسه قیلینجلا اؤلدورور، قیلینجلا اؤلدورولمه‌لئدئر. موقدّسلرئن تحمّول و ائمانی بورادادیر.

او واخت دهنزدن چیخان اون بوینوزلو و یدّی باشلی بئر جاناوار گؤردوم. بوینوزلارینین اوستونده اون تاجی، باشلاری اوستونده ده کوفر آدلاری وار ائدی.

اونا بو دا ورئلمئشدی کی، موقدّسلرئن ضئدّئنه موحارئبه اتسئن و اونلارا قالئب گلسئن. و اونا هر قبئله، هر خالق، هر دئل و هر مئلّت اوستونه ائقتئدار ورئلمئشدی.

و جاناوارین حوضوروندا عمل اتمه‌سئنه ائجازه ورئلن علامتلرله، یر اوزونده ساکئن اولانلاری آلدادیر و یر اوزونده ساکئن اولانلارا دیئر کی، قیلینجلا یارالانمیش و گئنه حیاتا دؤنموش جاناوارین تئمثالینی دوزَلتسئنلر. و اونا ورئلمئشدی کی، جاناوارین تئمثالینا نفس ورسئن، اِله کی، جاناوارین تئمثالی حتّا دانیشسین و جاناوارین تئمثالینی پرستئش اتمه‌ین هر کس اؤلدورولسون.

گؤردویوم جاناوار پلنگه بنزه‌یئردی. آیاقلاری آیی آیاقلارینا، آغزی دا آصلان آغزینا اوخشاییردی. اژداها اونا اؤز قودرتئنی، تختئنی و بؤیوک ائقتئدارینی وردی.

اونا کئبئرلی سؤزلر دانیشان و کوفر دئین بئر آغیز ورئلمئشدی. ائقتئدار دا ورئلمئشدی کی، قیرخ ائکی آی فعالئیّت اتسئن.

من اونون باشلاریندان بئرئنی گؤردوم کی، اِله بئل، کسئلمئشدی، و اونون اؤلومجول یاراسی صاغالدیلدی. بوتون یر اؤزونو حیرت باسدی و جاناوارین دالینجا گتدئلر.

او واخت یردن چیخان آیری بئر جاناواری دا گؤردوم؛ قوزو کئمی ائکی بوینوزو وار ائدی و اژداها کئمی دانیشیردی. او، بئرئنجی جاناوارین بوتون ائقتئدارینی اونون حوضوروندا عمله گتئرئر و یر و اوندا ساکئن اولانلاری مجبور ادئر کی، اؤلومجول یاراسی صاغالدیلمیش بئرئنجی جاناواری پرستئش اتسئنلر.