Popular Bible Verses from وحی 12

Share

اونلار اونا قوزونون قانی واسئطه‌سئله و شهادتلرئنئن سؤزو ائله قالئب گلدئلر و اؤز جانلارینی حتّا اؤلومله اوزبه‌اوز اولدوقلاری زامان دا سومه‌دئلر.

سونرا گؤیده بؤیوک بئر سس اشئتدئم کی، دیئردی: «ائندی نئجات و قودرت و تاریمیزین پادشاهلیغی و اونون مسئحئنئن ائقتئداری گلئب، چونکی قارداشلاریمیزا ائتّئهام ووران، اونلارا تاریمیزین حوضوروندا گجه-گوندوز ائتّئهام ووران آشاغی آتیلیب.

او بؤیوک اژداها، ائبلئس و شیطان چاغیریلان او قدئمکی ائلان و بوتون دونیانی آزدیران آشاغی آتیلدی. اونونلا بئرلئکده ملکلری ده آشاغی آتیلدیلار.

بو سببدن، ای گؤی و اوندا ساکئن اولان سئزلر، شادلیق ادئن. وای اولسون یره و دهنزه! چونکی ائبلئس بؤیوک قضبله سئزئن یانینیزا انئب و بئلئر ده کی، آنجاق قیسا بئر مودّتی وار.»

و گؤیده موحارئبه باش وردی؛ مئکایئل و اونون ملکلری اژداها ائله ووروشوردولار. اژداها و اونون ملکلری دؤیوشدولر،

بله‌جه اژداها آروادا قضبلندی و گتدی کی، اونون قالان اؤولادلاری ائله کی، تارینین احکاملارینی و عئسانین شهادتئنی برک توتورلار، ساواشسین.

گؤیده بؤیوک بئر علامت ظاهئر اولدو: گونو گیئنمئش بئر آرواد، آیاقلاری آلتیندا آی و باشی اوستونده اون‌ائکی اولدوزلو بئر تاج. آرواد بویلو ائدی؛ دوغماق آغریسیندان آغری و درد چکه‌رک قیشقیردی.

آرواد بئر اوغلان اوشاغی دوغدو کی، دمئر عصا ائله بوتون مئلّتلره حؤکمرانلیق اده‌جک ائدی. آروادین اوشاغی تارینین یانینا و اونون تختئنئن یانینا گؤتورولدو. او واخت آرواد چؤله قاچدی. اونون اورادا تاری طرفئندن حاضیرلانمیش بئر یری وار ائدی کی، اونو مئن ائکی یوز آلتمیش گون بسله‌سئنلر.

سونرا گؤیده آیری بئر علامت ظاهئر اولدو: و باخ، یدّی باشلی و اون بوینوزلو بئر بؤیوک قیرمیزی اژداها! باشلارینین اوستونده ده یدّی تاج وار ائدی. اونون قویروغو گؤی اولدوزلارینین اوچده بئرئنی سوپوروب، یر اوزونه آتدی. اژداها دوغماق حالیندا اولان آروادین قاباغیندا دوردو، اِله کی، آرواد دوغدوقدا، اونون اوشاغینی اودسون.

آمّا آروادا بؤیوک قارتالین ائکی قانادی ورئلمئشدی، اِله کی، چؤله، اؤز یرئنه اوچوب گده بئلسئن. اورادا، ائلاندان اوزاقدا، بئر زامان و زامانلار و یاریم زامان بسلنه‌جک ائدی. ائلان، آروادین دالینجا، آغزیندان چای کئمی سو تؤکدو، اِله کی، اونو سل‌له سوپوروب آپارسین. آمّا یر، آروادا کؤمک اتدی. یر، آغزینی آچدی و اژداهانین آغزیندان تؤکولن سویو ائچدی.