Popular Bible Verses from وحی 14

Share

و گؤیدن بئر سس اشئتدئم کی، دیئردی: «یاز، خوش او آداملارین حالینا کی، ائندئدن بله ربده اؤلورلر!» موقدّس روح دیئر: «بلی، اِله کی، زحمتلرئندن راحاتلانسینلار، چونکی اونلارین عمل‌لری اونلارین آرخاسیندان گدئر.»

بورادادیر موقدّسلرئن تاب گتئرمکلری کی، تارینین احکاملارینی و عئسایا اولان ائمانلارینی حئفظ ادئرلر.

او، اوجا بئر سسله ددی: «تاریدان قورخون و اونا عئزّت ورئن. چونکی اونون موحاکئمه اتمه‌یئنئن ساعاتی یتئشدی. گؤیو، یری، دهنزی و سولار بولاقلارینی یارادانا پرستئش ادئن.»

سونرا اوچونجو بئر ملک، اونلارین آرخاسیندا گلئب، اوجا بئر سسله دیئردی: «کئم جاناوارا و اونون تئمثالینا پرستئش اتسه و آلینینا یا دا الئنه نئشان وورولسا، او دا تارینین قضبئنئن شرابیندان ائچه‌جک کی، اونون قهرئنئن پئیالا‌سئنده کامئل قووّتده قاریشدیریلیب. او، موقدّس ملکلرئن و قوزونون حوضوروندا اود و گوگورد‌له ده عذاب چکدئرئله‌جک.» اونلارین عذابلارینین توستوسو ابددن ابده کئمی قالخیر. جاناوارا و اونون تئمثالینا پرستئش اِدَنلرئن، و اونون آدینین نئشانینی قبول ادنلرئن نه گوندوز راحاتلیغی وار، نه ده گجه.

او واخت باخدیم، و باخ، قوزو صحیون داغینین باشیندا دورموشدو و اونونلا یوز قیرخ دؤرد مئن نفر دایانمیشدیلار کی، آلینلاریندا اونون و آتاسینین آدی یازیلمیشدی.

گؤیون اورتاسیندا اوچان آیری بئر ملک ده گؤردوم. اونون ابدی خوش خبری وار ائدی کی، یر اوزونده یاشایانلارا، هر مئلّته، هر قبئله‌یه، هر دئله و هر خالقا موژده ورسئن.

ائکئنجی بئر ملک اونون آرخاسیندان گلئب، دیئردی: «ییخیلیب، او بؤیوک بابئل شهری ییخیلیب، او کی، بوتون مئلّتلری، عئفّتسئزلئیئنئن شهوتئنئن شرابیندان ائچدئردی.»