Popular Bible Verses from Rum 3

Share

Inda taŋ gaga həŋ ta dmaku trap tra həŋ ma snaŋtá sgita Lazglafta. Ka zɗanaŋta Lazglafta ta huɗi ta həŋ ka mbalay, ka nanaftá həŋ ka gwal tɗukwa ta kəma ni nda ma Yesu Kristi ta pligiŋtá həŋ ma dmaku.

Tsaya tvi dzaʼa kəl Lazglafta ka nanaftá mnduha ka gwal tɗukwa ta kəma ni ya nda nza nda ma zlghafta dər wa ta *Yesu *Kristi. Haɗ ya galap Lazglafta, dər la *Yahuda dər gwal kul nzakway ka la Yahuda wa.

Tsa Yesu Kristi ya vla Lazglafta ŋa mtuta ni ta ghəŋa inda mnduha ka planatá dmakwa taŋ nda usa ni nda ma zlghafta taŋ ta Yesu Kristi ŋa maraŋta kazlay: Tɗukwa tsatsi kəʼa. Tsa dmaku si ta mag mnduha ghalya ya ná, ka nzata Lazglafta manda skwi kul nghaŋta, ksana ksata ŋuɗufa ni. Manda va tsaya ta mara Lazglafta ndana guli kazlay: Tɗukwa tsatsi kəʼa. Tsatsi, tɗukwa tsatsi. Ta kumay guli ta nanafta ka gwal tɗukwa ta gwal ta zlghaftá Yesu.

Tsaya tama, haɗ mndu dzaʼa nzakway ka mndu tɗukwa ta kəma Lazglafta ta ghəŋa vəl magata ni ta skwi ta kum zlahu wa. Zlahu ná, nda nza ŋa snanamtá mnduha kazlay: Gaga kuni ta dmaku kəʼa.

Nda nza manda ya nda vinda ma deftera Lazglafta kazlay: Haɗ mndu tɗukwa ta wa ira Lazglafta wu, dər turtuk haɗ wa. Haɗ mndu nda sna ta skwi wu, haɗ ya ta psa Lazglafta wa. Inda taŋ mbəɗana mbəɗa həŋ ta hul ta Lazglafta, nda zaɗa həŋ demdem. Haɗ ya dər turtuk ta maga skwi ɗina wu, dər turtuk haɗ wa.

Nda sna amu kazlay: Nda ma zlghay nda ŋuɗuf mutsafta mnduha ta nzata ka gwal tɗukwa ta kəma Lazglafta kəʼa, nda ma snatá skwi ta kum zlahu a wa.

Pyaf a wu! Dər má ta tsakalawi inda mnduha ná, kahwathwata ŋa Lazglafta ta mnay, manda ya nda vinda ma deftera Lazglafta kazlay: « kagha Lazglafta, ka gwaɗa gwaɗa ka ta gwaɗa ná, nda sna lu kazlay: tɗukwa tsa gwaɗa gha ya kəʼa. Dər má tsafha lu ta rutsak ta kagha, fləwəɗ dzaʼa saba ka ma guma ni. »