Popular Bible Verses from Maahtiyo 9

Share

Miitahsh kaakii'onci kanoonaatc okihkino'amawaakana': “Inashke paahtiinat ke⁠manishikaatek. Aahpici tahsh pankiiwiwak kaa⁠mooshakinikewaatc. Kakwecimihk itahsh Kishemanitoo kaa⁠tipentank manishikewin ci‑ishinisha'waatc keyaapi otanohkii'aakana' ke⁠mooshakinaminitc ke⁠manishikaatenikin,” okii'-inaa'.

Ani maacaak itahsh ci⁠kakwe kihkentamek wekonen o'o kaaonci ishipii'ikaatek: ‘O'o kaa‑antawentamaan i'i ci⁠shawenintiyek, kaawiin wiin ehta awahkaanak ci⁠nihsekwaa ci⁠pakitinikaakeyek.’ Kaawiin tahsh wiin ninkii'onci piishaahsii ci⁠antomakwaa okwayahkwaatisiik, iki hsa ci⁠antomakwaa kaa‑aanawenimintwaa.”

Ekii'-waapamaatc itahsh ehpiihci paahtiinonitc awiya', aahpici okiih kihcikoohpaatenimaa'. Aaniihsh kii'⁠mikoshkaaci'aawa', kiih⁠pwaanawihcikewa' kaye, taapishkoo manahcaanihshak kaa‑ayaawaahsikwaa kaa⁠kanawenimikowaatc.

Ciisahs ekii'-noontawaatc okii'-inaa': “Iki ekaa kaa‑aahkosihsikwaa kaawiin onantawenimaahsiwaawaan mashkihkiiwininiwan, kaa‑aahkosiwaatc ehta.

Misiwe tahsh Ciisahs kiih⁠papaa ishaa ootenawan kaye kaa‑ayishitaaniwaninik ekiih papaakihkino'amaaketc Coowak otanami'ewikamikowaank ekiih kakiihkwaatank minwaacimowin, i'iwe Kishemanitoo wiipa kaawii'-oshihsitootc oTipencikewin. Okii'-minoayaa'aa' kaye kahkina kaakii'-aahkosinitc aaniiniko kaakii'-inaahpinenitc.