Popular Bible Verses from Maahtiyo 10

Share

“Pisintawihshik! O'o kaa⁠ishinisha'onakook, mii'i eshinaakosiyek taapishkoo ke⁠naatamaatisohsikwaa maanahcaanihshak kaa⁠ishaawaatc mekwe ma'iinkanihkaank. Kaa ahpiihci ayaankwaamisitc itahsh kinepik mii'i nahke ishi ayaankwaamisik; kaa‑ahpiihci noohkaatisitc a'a omiimiinhs, mii'i ahpiihci noohkaatisik.

A'a tahsh ke⁠manaawanihtootc opimaatisiwin, aanciko kaawiin ta⁠tepinamaasohsii tepwe ke⁠onci pimaatisitc. A'a tahsh ke⁠pakitinank opimaatisiwin niin onci, ta⁠tepinamaaso tepwe ke⁠onci pimaatisitc.”

Keko tahsh wiin kohsaahkekwaanik iki kaa⁠nihtoowaatc wiiyawimaani, kaa⁠pwaanawi'aawaatc tahsh ci⁠nihsaawaatc ini ahcaahkomaan. A'a tahsh kohsihk Kishemanitoo kaa⁠kashkihtootc ci⁠nihshiwanaacihtootc wiiyawini kaye kaa⁠kashki'aatc ci⁠nihshiwanaaci'aatc ahcaahkomaan i'imaa maci ishkotenk.

Awenen kaye ekaa ke⁠pimiwinaahsik otaashiteyaahtikoman, kaa⁠piminisha'ohsik kaye, kaawiin ta⁠teahpiihtentaakosihsii ci⁠piminisha'otc.

“A'awe hsa ke⁠wiinshitc eh⁠piminisha'otc enaahsamiinitc awiya', mii'i keniin ninka wiinaa eh⁠tipenimak enaahsamiinitc ninTeten kihcikiishikonk kaa‑ayaanitc. A'a tahsh wiin ke⁠ihkitotc eh⁠piminisha'ohsik enaahsamiinitc awiya', miitahsh keniin peshikwan ke⁠inak eh⁠tipenimaahsiwak 'imaa enaahsamiinitc ninTeten kihcikiishikonk kaa‑ayaanitc.”

Minoayaa'ihkok otaahkosiik, pimaaci'ihkok kaa⁠nipowaatc, minoayaa'ihkok kaa⁠omikiiwaahpinewaatc, saakiciwepinihkok maciahcaahkwak. Kaawiin kikiih tipa'ansiim kaakii'-miinikooyek: miihsh i'i peshikwan ishi miikiwek.

Keko tahsh kiinawaa sekisihkek, nawac kiinawaa kikihci inentaakosim ahpiihc wiin miskominihkehsiwak.”

“Keko wiin inentankek ci⁠minowiiciintiwaatc awiyak ci‑ishi'akwaa kaakii'onci piishaayaan o'omaa ahkiink. Kaawiin wiin minowiiciintiwin ninkiih piitoohsiin, i'i hsa miikaatiwin.