Popular Bible Verses from EPHESIANS 2

Share

Háálá Diyin God ánihijiilaii niidlį́. Christ bee yá'át'éehgo ádeii'níił doo biniyé ánihijiilaago éí baa nideiikai dooleełii t'áá bítséedi nihá binahodziz'ą́.

Háálá oodlą́ bee aa hodzódlí binahjį' Diyin God bibee ajooba' yee yisdánihíínil, áko díí doo t'áá nihí ádaahdzaa da, nidi Diyin God einíláii át'é. Doo bik'é na'azhnishii át'ée da, áko doo bee ádaa hojó'niih át'ée da.

Nidi Diyin God ayóó át'éego nihaa a'ááh jinízingo áádóó hwe'ayóó'ó'ó'ni' ayóó át'éii bee ayóó'ánihijó'níigo bąą doo ákǫ́ǫ́ ádeiit'įįdii biniinaa Diyin God bich'į'go danee'ná yę́ędą́ą́' Christ bił hinááh ánídanihijiidlaa; jó, Diyin God habee ajooba' bee yisdánihijíínil

áko Christ Jesus bił náádanihizhdiiłjée'go yá'ąąsh haz'ą́ądi bił naháatą́ągo ánihijiilaa.

Éí bąą k'ad doo dé'éyóní danohłį́į da, doo łahdę́ę́' dine'é danohłį́į da, nidi Diyin God bidiyį́į́' bił t'ááłá'í dine'é danohłį́, áádóó Diyin God ba'áłchíní dasoolį́į́'. Tsé bee kin álnéhígíí nidahonohłin. Daal'aadii áádóó Diyin God yá dahalne'ii éí atł'ááh nástł'inii nidahalin. Áádóó Christ Jesus éí tsé á si'áanii bee naaná'ástł'inii nahojílin.