Popular Bible Verses from EPHESIANS 1

Share

Áádóó Diyin God nihíká ádííniidgo bíká nihił chodahoo'ínígíí, índa ak'ihojidlí ayóó át'éii hodiyį́į́' bíí' dadooleełígíí nihił béédahodoozįįł biniyé nihijéí bii' nihił ííshją́ą́ ánihósin dooleełgo nihá sodiszin. Dooládó' bibee adziilii ayóó át'éii nihí da'iiniidlánígíí nihiyi' naalnishgo nihił béédahózin doo biniyé sodiszin. Jó, éí bibee adziil yee ayóó ábóodziilii yik'ehgo áánííł. Éí yee Christ daaztsą́ą́dę́ę́' néidiisáago yá'ąąsh haz'ą́ądi binish'náájí dah yineesdá. Áadi nidant'áii, bídahólníihii, adziil bee dahólóonii, índa hoot'ááł t'áá ałtso yídahółnííh, áádóó ayóó ádaat'éii dabi'dójíii t'áá ałtso doo díí hoolzhishígíí biyi' t'éiyá da, nidi kodóó náás hoolzhishgóó biyi' dabi'dójíi dooleełígíí Christ bee bóhólnííh.

Áko binááł dadiniigin áádóó t'áadoo bee nihik'ídahót'ahígóó dahinii'náa doo biniyé, t'ah doo nahasdzáán niit'aah bítséedi ayóó'ánihó'níigo Christ yee nánihiizláá'. Jesus Christ biniit'aa t'áá bí ba'áłchíní dadiidleełgo íinízinii bik'ehgo yaa bił hózhǫ́ǫgo t'áá átséedi nánihiizláá'.

Éí lą́ą Diyin God bibee ajooba' yee alááh neel'áanii bik'ehgo Christ bidił bee náádanihi'diiznii', áádóó ádił nida'ayiilzíi'ii nihá yóó'iidii'aahgo

NihiBóhólníihii Jesus Christ biDiyin God t'áá éí biTaa' baa ha'niih doo! Éí Christ biniit'aa yá'ąąsh haz'ą́ądi diyin k'ehgo bee ak'ihojidlíii t'áá ałtso yee nihik'ijisdli'.