Popular Bible Verses from Esaya 45

Share

Nkakupeela ifyuma ifyo batutila umwafisama ne cuma icafiswa mu cifulo icankaama, epakuti ukashininkishe ukuti kanshi ine ndi Yawe, Lesa wakwa Israeli uwakwita mwishina lyobe.

Nine wine nkaya ndekupekanishishako umwakuti ukalepita nkaya ndepasa impili no tupili twine. Nkaya ndetobaula impongolo sha mukuba, no kukontaula imipilikisho yashiko iya fyela.

Ine nine Yawe, takwaba na umbi iyoo, ine nine Lesa, takwaba na umbi iyoo. Ine nakupeela amaka ayo ufwile ukulakwata, nangu kwena iwe tawanjishiba. Ico ine nacitila ifi ni pakuti ukufuma ukutula akasuba, ukuya shinta no kuwila akasuba, abantu bonse baleshininkisha ukuti, ninefye Yawe, takwaba na umbi iyoo.

Ine nine mpanga ulubuuto ne mfifi ine, nine ndeta inshita yamutende kabili ne nshita ya finkunka, nine ne Yawe ncita fyonse ifi.

“Kanshi imwe mwe bantu bonse mwe ba pano isonde, bweleleni uko ndi, pakuti mupusuke, pantu ine neka, nine Lesa takwaba na umbi.

Ifi efyasosa Yawe ku musubwa wakwe Sairasi ukuti, “Niwe naikata ku kuboko kwandi ukwa kulyo pakuti ucimfye imishobo ya bantu, nokuya poka ishamfumu amaka yashiko, ukupankula impongolo sha misumba pantanshi yobe, pakuti tapali uwakwisalako ifiibi.

Nalapa, napalifye ine wine, nati, ifyo ine nsosa, ala fyacishinka, kabili nshakabweshe ifyo ine nanda. Napalifye ine wine, abantu bonse bakalaisa mukufukama kuli ine, bakandaya ifilayo no kumpetamina.

Ico ine nakusalila, ni pakuti uletulanyako umubomfi wandi Yakobo, Israeli uo ine nakwita mwishina lyobe. Na iwe ninkusala, ninkucindika apakalambafye, nangu kwena iwe tawanjishiba.