Popular Bible Verses from Esaya 44

Share

Pantu mu calo icauma ndi ine nkaletamo amenshi, na mu matololo ine nkacitamo imilonga ya menshi. Ine nkalapongolwela Umupashi wandi pa bana benu, kabili nkapaala ne finshikulula fyenu.

“Ine ne Yawe ne uteeka no kulubula imwe mwe bena Israeli, ine ne Yawe umwine wa fita, ndetila nati, ‘Nine Citendekelo, nine Wakupelekesha, ala takwaba Lesa na umbi iyoo, kanofye ine neka.’

Ine nalikubelelako uluse ku bumpulamafunde bobe nabo bwapashika nga filya ikumbi lipashika, ifyabubifi fyobe fyapashika nga fubefube wa lucelo. Kanshi iwe bwelelafye kuli ine, pantu ine nine nakulubula.

Kanshi mwilatunsha mitima, mwitiina, ngefyo na kale line ine nalimwebelepo, no kumulondolwela libela fyonse ifili nokucitika, kabinge nimwe bakambone bandi. Bushe kwalibako Lesa umbi ukucila pali ine? Awe takwaba Cilibwe cimbi nakalya, ine nshatala ŋumfwapo.”

Yawe aletila ati, “Nine nakubumba iwe, kabili ndakwafwa ukutulafye ilyo waimitwe. Kanshi iwe wilatunsha mutima iyoo, we Yakobo uli mubomfi wandi, we Yeshuruni uo naisalila.