Popular Bible Verses from Esaya 46

Share

Ukutulafye na ku citendekelo, awe ine ndasoselapo kabela ifili nokubako. Ukutulafye na ku kale, ine ndalondolwelapo libela ifili nokucitika. Ndasosa ukuti ifyo ine mpanga ukucita, ninshi fili nokucitika. Ine ndacita fyonse ifyo ndefwaya ukucita. Nketa kapumpe ukufuma ku kabanga, umuntu uukafuma ku calo cakutali. Uyo muntu wakutali eukesa mukucita ifyo ine napanga ukucita. Ifi efyo napekanya, no kucitika efikacitika.

Ala nine Lesa wenu, no kuba efyo nakulaba, nakulamusunga ukushintafye na ku bukote bwenu, ukushintafye napo ku mitwe yenu kukabuutila tuutu ku mfwi. Nine namubumba, no kumusunga nine wine nakulamusunga. Nine wine nakulamwafwako no kulamupokololako.

Muleibukisha ifintu ifyacitike kale, epakuti muleshininkisha ukuti ine nekafye, nine Lesa, nokuti takwaba nelyo umo uo twingalingana nankwe.

“Umfweni kuno, mwe ba ŋanda yakwa Yakobo, imwe mwe bantu bonse mwe ba ŋanda yakwa Israeli abashalapo. Mwebo nasungilila ukutula ilyo mwaimitwe, kabili nine musunga ukutula apo mwafyalilwa.