Popular Bible Verses from Esaya 43

Share

Bikisheni amano ku fintu ifipya ifyo ine nalacita. No kutampa nafitampa ukulacitika, bushe imwe tamulefimona iyoo? Ine nalapanga umusebo uwakulalanya amatololo pakati, no kucitamo mu ciswebebe imilonga ya menshi.

Ilyo iwe upita mu menshi ayashika, ine ndaba nobe. Ilyo wabuka imimana panshi, amenshi tayakwibisha iwe. Ilyo upita mu mulilo, iwe taubabuka iyoo, ilyo upita mu lubingu lwa mulilo, iwe talukoca nakalya.

“Imwe, mwilaibukisha ifyacitike kale, mwilatontonkanya pa fyapita.

Lelo nomba umfweni ifilesosa Yawe uwakubumba we Yakobo, uwakupanga we Israeli aleti, “Iwe wilatiina iyoo, pantu ine nalikulubula. Ninkwita ishina lyobe, ala uli wandi.

Pantu iwe walicindama ku mano yandi, kabili pantu nalikutemwa, Eico nkapeela abaume pakukabulamo iwe, na bantu pakukabushamo umweo obe

Pantu ne ukupusushako, nine ne Yawe Lesa wenu, ne Lesa Wamushilo uwakwa Israeli. Ine nkabuula Egupto, eo nkacita ulusomo lwakukulubwilapo. Kushi pamo na Seba, nabo bene nkabacita insomo mwipunda lyobe.

Kanshi iwe wilatunsha mutima iyoo, pantu ine nakulaba na iwe. Ine nkafumya abana bobe ku kabanga, no kukukolonganya ukufuma ku masamba.

“Ine wine, nine Lesa uufuuta bumpulamafunde, neco ncitila ifyo, nico efyo ine mfwaya ukucita. Nshakebukishe ifyabubifi fyenu.

Yawe asosa ati, “Mwe bena Israeli, nimwe bakambone bandi, nimwe nasala ukuba umubomfi wandi, epakuti imwe mulenjishiba no kulantetekela, muleshininkisha nokuti ninefye Lesa. Takwabako lesa umbi iyoo, kanofye ine neka, takwatala akuba lesa na umbi uwantangilile, na kuntanshi kwine takwakatale akuba na umbi nakalya.

Ine wine, nine Yawe, kabili takwaba umupusushi na umbi ukucila pali ine.

Ee ukufumafye ku kale nakale, ine ndi Lesa, teti pabe nangu umo uwingamfyombotoka, teti kubefye nelyo umo uwingalula ifintu ifyo ine ncitile.”

Ne nama shine isha mpanga shakulantotela, bamumbwe bakulancindika, pamo pene ne mbuni, pantu nalateyanya amenshi mu matololo, no kucitamo mu ciswebebe imilonga ya menshi, pakuti balenwamo abantu bandi abo ine nasala. Aba e bantu abo ine naibumbila ne mwine, kabili ebakulanumbanya.”

Ine nkeba aba ku kapinda ka ku kuso nati, ‘Balekeni babwelelemo.’ Na ba ku kapinda ka ku kulyo nkabeba nati, ‘Mwibalesha kuya iyoo.’ Bwesesheni kuno abana bandi abaume ababa mu fyalo fyakutali, babwesesheni kuno abana bandi abanakashi ababa konsefye. Bonse abetilwa peshina lyandi, bonse abo napangile ku bucindami bwandi, abo nalengele no kubumba.”

Ifi efyasosa Yawe ukuti, “Nalicitile umusebo muli bemba, nao wali ni nshila iyapitile mu menshi ayamaka. Emo natwele ne bumba ilya fita ifyalulunkene, ifyendela pa maceleta na pali bakabalwe. Fyatotobele panshi no kunwena, awe no kwima tefyakwimapo nakalya, fyashiminina nga filya fishima inyali.

Ine ndi Yawe, Lesa wenu Uwamushilo. Nine namubumba mwe bena Israeli, kabili ndi mfumu yenu iyamuteeka.”