Popular Bible Verses from Esaya 42

Share

“Ine ne Yawe, niwe naita mu bololoke, kabili nkakwikata ku kuboko no kukulinda. Nkakulenga ukuba icipangano ku bantu, kabili ukaba ulubuuto lwa mishobo ya benafyalo. Iwe ukaposha impofu, pakuti shikalemona, kabili niwe ukalubula abakakwa mu cifungo, ukafumya abafungwa abaikala mu mfifi ya mu cifungo.

“Ine nine Yawe e shina lyandi. Eico teti kube umulungu uwingacindama nga ine, nangu akalubi akakuti kalecindikwa nga ine.

Yawe aletila ati, “Moneni umubomfi wandi uyu, uo napeela amaka, eo nasala, kabili eo nsekelamo. Nkabika Umupashi wandi pali ena, nao akalacita umulinganya ku mishobo ya benafyalo.

Takafunaule itete ilyafwantwa, ne cishishi icilefuuka takacishimye. Ngo wacishinka akalacitila bonse umulinganya wine wine. Takasusuke, kabili takanenuke iyoo, mpakafye umulinganya ukabepo pano isonde, pantu ifyalo fya kutali ku lulamba lwa bemba filalolela amafunde yakwe.”

Abantu abapofula nkalabensha mu misebo iyo bashatala abendamo, mu nshila bashaishiba nkalabatungula. Imfifi iyo bendamo, nkaisangula ulubuuto, na mu nshila umwaba amabwe nkayafumyamo pakuti bakaleenda umwatambalala. Ifi efintu nkacita, kabili nshakafilekepofye iyoo.

Ifintu ifyo nasobele kale, nomba efilecitika. Nomba ine nakulakwebelapo libela ifintu ifipya, nangufye ilyo fishilati fitampe ukucitika, nakulakweba.”